BAKI, 30 dekabr — Sputnik. Türkiyə ilə Ermənistanın xüsusi nümayəndələrinin ilk görüşü yanvarda nəzərdə tutulub.
Sputnik Azərbaycan-ın məlumatına görə, bu barədə Türkiyə Xarici işlər naziri Mövlud Çavuşoğlu deyib.
"Tarix hələ bəlli deyil, ancaq görüşün yanvarda baş tutacağı gözlənlir", - nazir 24TV-yə müzahibəsində deyib.
Qeyd edək ki, cari ilin dekabrın əvvəlində Türkiyə Xarici İşlər naziri Mövlud Çavuşoğlu ölkəsinin Ermənistanla münasibətlərinin normallaşdırılması üçün bir sıra addımlar ata biləcəyini bildirmişdi. O qeyd etmişdi ki, Ermənistanla münasibətlər məsələsində Azərbaycanla da məsləhətləşmələr aparılır.
İlk görüşün Moskvada keçiriləcəyi deyilir.
Ermənistanla Türkiyə arasındakı münasibətlər 1993-cü ildən bəri bəzi ön şərtlərlə bağlı yox səviyyəsindədir.
Türkiyə Prezident Administrasiyasının sözçüsü İbrahim Kalın da jurnalistlərə açıqlamasında bildirib ki, artıq Ermənistanla əlaqələrin normallaşmaması üçün səbəb yoxdur:
"1992-ci ildə Türkiyə Ermənistanla diplomatik əlaqələrini kəsəndə, sərhədi bağlayanda əsas məsələ Qarabağın işğalı idi. Keçən il 44 günlük müharibədə qazanılan Zəfərlə Qarabağ problemi həll edildi. Qarabağ tarixi sahiblərinə qayıtdı və 1992-ci ildə bizim Ermənistanla əlaqələrimizin sona çatmasına səbəb olan problem həll edildi".
Eləcə də oxuyun:
* Rəsmi Ankara: Ermənistanla əlaqələrin normallaşmaması üçün səbəb yoxdur