BAKI, 25 dekabr — Sputnik. Azərbaycanın dünya bazarına çıxararaq satdığı "Azeri LT CIF" markalı xam neftin qiyməti 0,32 ABŞ dolları, yaxud 0,4 % azalıb.
Sputnik Azərbaycan xəbər verir ki, "Azeri Light" markalı neftin bir barelinin qiyməti 78,92 ABŞ dolları təşkil edib.
Xatırladaq ki, "Azeri LT CIF" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.
Qeyd edək ki, dekabrın 24-ə olan xəbərə görə, Azərbaycanın dünya bazarına çıxararaq satdığı "Azeri LT CIF" markalı xam neftin qiyməti 1,79 ABŞ dolları, yəni, 2,3% artmışdı.
Xatırladaq ki, dekabrın 22-də verilən rəsmi açıqlamaya görə, ABŞ-da 10-17 dekabr tarixlərində neft ehtiyatlarının həcmi ekspertlərin gözlədiyi 2,8 milyon barelə qarşı 4,7 milyon barel azalıb. Bu müddət ərzində gündəlik neft hasilatı da 100 min barel azalaraq 11,6 milyon barelədək geriləyib.
Həmçinin oxuyun: