BAKI, 9 dekabr — Sputnik. Lerikdə dağ-meşə ərazisində yanğın olub.
Bu barədə Sputnik Azərbaycan-a Fövqəladə Hallar Nazirliyinin (FHN) Mətbuat Xidmətindən məlumat verilib.
Bildirilib ki, rayonun Brkandul kəndi yaxınlığında dağ-meşə ərazisində təqribən 1 ha sahədə xəzəl və qurumuş ağac kötükləri yanıb. Ərazinin qalan hissəsi yanğından mühafizə olunub.
Yanğın FHN-in mühafizə bölmələri və Ekologiya və Təbii Sərvətlər Nazirliyinin Meşə Təsərrüfatı Mərkəzinin əməkdaşları tərəfindən söndürülüb.
Qeyd edək ki, avqust ayında Lerikin müxtəlif meşə-dağ massivlərində güclü yanğınlar olmuşdu. Sonuncu fəlakət zamanı Soru kəndində 15 hektar ərazidə ağaclar yanmışdı.
Eləcə də oxuyun:
* Ağcabədidə faciə: Gənc ailənin üç üzvü gecə yuxuda olarkən öldü