BAKI, 30 oktyabr — Sputnik. Noyabrın 7-dən Qazaxıstanın "Air Astana" aviaşirkəti Almatı-Bakı-Almatı marşrutu üzrə uçuşlara başlayır.
Sputnik Azərbaycan "Report"a istinadən xəbər verir ki, bu barədə aviaşirkət məlumat yayıb.
Bildirilir ki, uçuşlar cümə axşamı və bazar günləri həyata keçiriləcək. Qiymətlər 400 ABŞ dollarından başlayır.
Qeyd edək ki, 2020-ci ilin mart ayından etibarən koronavirus infeksiyasının (COVID-19) yayılması səbəbindən Qazaxıstana uçuşlar dayandırılmışdı. O vaxtadək Qazaxıstanın "SCAT Airlines" şirkəti Aktaudan Bakıya hər gün, "Air Astana" aviaşirkəti isə Nur-Sultandan və Almatıdan Bakıya həftədə iki dəfə uçuşlar yerinə yetirirdi.
Oktyabrın 15-də daha 23 ölkə vətəndaşlarının hava nəqliyyatı ilə Azərbaycana giriş-çıxışına icazə verilib. Bunlar arasında Qazaxıstan da var.
Eləcə də oxuyun: