BAKI, 19 oktyabr — Sputnik. NASA-nın Yupiterə göndərdiyi "Lucy" kosmik aparatına üzərində Türkiyə yazıçısı, Nobel mükafatı laureatı Orxan Pamuk da olmaqla, məşhur yazıçılar, elm adamları və mütəfəkkirlərdən ən maraqlı sitatların yazıldığı lövhə yerləşdirib. Lövhədə türk atalar sözünə də yer verilib.
Beləliklə, Yupiterə göndərilən lövhədə Orxan Pamukun "Qara kitab" romanından bu sözlər öz əksini tapıb: "Daha çox sevmək, daha çox gülmək, daha çox düşünmək istərdik. Daha çox görmək, daha çox anlamaq, daha çox güvənmək istərdik. Bizdən qalanlar bu istəklər və bu sözlər olacaq. Sükunət, yuxular və öpüşlər vardı. İnsanlar, meyvələr, kağız və kəlamlar da vardı. Çünki heç nə həyat qədər heyrətləndirici ola bilməz. Yazıdan başqa. Bəli, əlbəttə, tək təsəlli, yazıdan başqa…"
Lövhədə "Ağaca balta vurdular, "sapı məndəndir" dedi" türk atalar sözünün ingilis dilinə tərcüməsi də öz əksini tapıb.
Eləcə də oxuyun:
* Yerdə və kosmosda – Azərbaycan musiqisinin ən gözəl nümunələri
* NASA Neptuna missiya göndərəcək
* Ruslar kosmosa uçmaq üçün yeni texnologiyanı test edirlər: hava əvəzinə maye
* İlk dəfə: Eynşteynin nəzəriyyəsinin sübutunu gördülər