BAKI, 15 oktyabr — Sputnik. "Azərbaycanda uşaqlar arasında koronavirusa yoluxma artmağa başlayıb".
Sputnik Azərbaycan xəbər verir ki, bunu Səhiyyə Nazirliyinin mütəxəssis-eksperti Erkin Rəhimov "Yenidoğulmuşlarda görülən xəstəliklər" mövzusunda çıxışında deyib.
O bildirib ki, bunun səbəbləri var: "Böyüklərin əksəriyyəti peyvənd olunub. Uşaqlar arasında isə peyvəndləmə aşağıdır. Bundan başqa, məktəblər açıldıqca, uşaqların ünsiyyəti artdıqca yoluxma riski artır. Bütün ölkələrdə uşaqlar arasında virusun yayılma ehtimalı artır".
Ölkədə yenidoğulmuşlar arasında da COVID-ə yoluxanlar var, deyən mütəxəssis-ekspert hər yaş qrupunda, o cümlədən kiçik yaş qrupunda koronavirusa yoluxanlar və xəstəliyi ağır keçirənlərin olduğunu bildirib.
Həmçinin oxuyun:
* Nazirlik tibb işçiləri və yaşı 50-dən yuxarı olanları 3-cü doza peyvəndlənməyə çağırıb
* Bakıda koronavirusa görə daha bir sinif distant təhsilə keçib
* Azərbaycanda əhalinin 5 milyondan çoxu vaksinasiyadan keçib
* Sərt qapanmalara getmədən Azərbaycanda yaşaya bilirik - ÜST rəsmisi
* Azərbaycanda əhali COVID-19 vaksinlərini məmnuniyyətlə qəbul edir - SN rəsmisi