BAKI, 17 avqust — Sputnik. Rusiya Avropa İttifaqı (Aİ) ilə istənilən təması bərpa etməyə hazırdır – bunu Rusiyanın xarici işlər naziri Sergey Lavrov bəyan edib. Sputnik Azərbaycan bu barədə RİA Novosti-yə istinadla xəbər yayıb.
Diplomat qeyd edib ki, Aİ 2014-cü ildə Krımda referendumun keçirilməsindən sonra Moskva ilə təmasların qrafiki üzərindən xətt çəkib.
İyul ayının ortalarında İttifaq ölkələrinin XİN rəhbərləri Rusiyaya qarşı iqtisadi sanksiyaların müddətini formal olaraq daha 6 ay, 2022-ci ilin yanvar ayının 31-nə kimi uzadıb. Əvvəlcə bu sanksiyalar Aİ tərəfindən 2014-cü ilin 31 iyulunda bir illik müddətə tətbiq olunmuşdu. 2015-ci ilin mart ayında sanksiyaların müddəti "Minsk razılaşmasının tam yerinə yetirilməməsi" ilə əlaqələndirildi və həmin dövrdən etibarən 6 il dalbadal uzadılır.
Avropa İttifaqı ölkələri hər dəfə sanksiyaların uzadılması ilə bağlı qərar qəbul etməmişdən əvvəl Minsk razılaşmasının necə yerinə yetirilməsini nəzərə alır.
Moskva isə cavab tədbirləri görərək bəyan edib ki, onunla sanksiya dili ilə danışmaq heç bir nəticə verməyəcək. Rusiya dəfələrlə bəyan edib ki, Ukraynadakı münaqişədə tərəf və onun tənzimlənməsi üzrə Minsk razılaşmasının subyekti deyil.
Həmçinin oxuyun: