BAKI, 17 avqust — Sputnik. Bu gün görkəmli Azərbaycan və sovet opera, estrada müğənnisi (bariton), bəstəkar, SSRİ Xalq artisti Müslüm Maqomayevin doğum günüdür. Xalq artisti Emin Ağalarov bununla bağlı paylaşım edib.
Sputnik Azərbaycan xəbər verir ki, sənətçi "instagram" hesabında Müslüm Maqomayevlə olan arxiv görüntülərini yayımlayıb.
Ağalarov paylaşımına bu sözləri əlavə edib:
"Ad gününüz mübarək, Müslüm Maqomayev, siz həmişə yanımızdasınız, xatırlayırıq, sevirik, darıxırıq..."
Görüntülərdə Ağalarovun Maqomayevlə çəkdirdiyi uşaqlıq fotosu da yer alıb. Xalq artistinin bu paylaşımına 141 min bəyənmə gəlib.
Məlumat üçün bildirək ki, bu gün Xalq artisti Müslüm Maqomayevin anadan olmasının 79-cu ildönümüdür. Dünya şöhrətli müğənni Müslüm Maqomayev 1942-ci il avqustun 17-də Bakı şəhərində anadan olub. 25 oktyabr 2008-ci ildə vəfat edib, Bakıdakı Birinci Fəxri Xiyabanda dəfn olunub.
Həmçinin oxuyun: