BAKI, 12 iyul — Sputnik. Mingəçevir "Kür" Olimpiya Tədris-İdman Mərkəzində təlim-məşq toplanışını başa vuran qadın voleybolçulardan ibarət Azərbaycan millisi Bakıya qayıdıb.
Federasiyadan Sputnik Azərbaycan-a verilən məlumata görə, yığma Avropa çempionatına hazırlıqları iyulun 26-dək paytaxtda davam etdirəcək.
Bakıdakı hazırlığın gedişində ölkəmizdə toplanış keçəcək Belarus və Macarıstan komandaları ilə bir neçə yoldaşlıq görüşü də nəzərdə tutulub.
Qeyd edək ki, avqustun 18-dən sentyabrın 4-dək olacaq Avropa çempionatının final mərhələsində 24 komanda 4 qrupda mübarizə aparacaq. Oyunlara 4 ölkə – Bolqarıstan, Rumıniya, Serbiya və Xorvatiya ev sahibliyi edəcək. A qrupunda mübarizə aparacaq Azərbaycan millisinin rəqibləri ev sahibi Serbiya ilə yanaşı, Belçika, Rusiya, Fransa və Bosniya və Herseqovina yığmaları olacaq.
Görüşlər Serbiyanın paytaxtı Belqradda gerçəkləşəcək.
Oyunların təqvimi
20 avqust
17:00 Azərbaycan - Belçika
21 avqust
18:00 Azərbaycan – Bosniya və Herseqovina
22 avqust
17:00 Rusiya – Azərbaycan
24 avqust
20:00 Azərbaycan - Serbiya
25 avqust
17:00 Fransa – Azərbaycan
Eləcə də oxuyun:
Voleybol üzrə qadınlardan ibarət Azərbaycan millisi Qızıl Avropa Liqasına hazırlaşır
Qadın voleybolçumuz Macarıstan çempionatının gümüş medalçısı olub