BAKI, 22 iyun — Sputnik. Prezident İlham Əliyev Kəlbəcər rayonu ərazisində dövlət sərhədinin mühafizəsi və müdafiəsinin təşkilinin elektrik enerjisi ilə təchizatı haqqında sərəncam imzalayıb.
Sputnik Azərbaycan xəbər verir ki, sərəncama əsasən, Kəlbəcər rayonu ərazisində dövlət sərhədinin mühafizəsi və müdafiəsinin təşkilinin etibarlı və dayanıqlı elektrik enerjisi ilə təchizatı məqsədilə Azərbaycan Respublikasının 2021-ci il dövlət büdcəsində işğaldan azad olunmuş ərazilərin yenidən qurulması və bərpası üçün nəzərdə tutulan vəsaitdən "Azərişıq" Açıq Səhmdar Cəmiyyətinə 24 milyon 500 min manat ayrılıb.
Kəlbəcər rayonu 1993-cü il aprelin 2-də erməni silahlı qüvvələri tərəfindən işğal olunmuşdu. 2020-ci il noyabrın 10-da Azərbaycan, Ermənistan və Rusiya liderlərinin imzaladıqları üçtərəfli bəyanatın şərtlərinə əsasən, həmin il noyabrın 25-də işğaldan azad edilib.
Eləcə də oxuyun:
Ermənistanın mina xəritələrini verməməsi məcburi köçkünlərin qayıdışını ləngidir - XİN
Suqovuşanda "ağıllı şəbəkə" tətbiq olunur
Elektrik şəbəkəsinə onlayn qoşulma xidmətini necə aktivləşdirmək olar?