"F" qrupunun ikinci turunda qarşı-qarşıya gələn Almaniya-Portuqaliya oyunundan almanlar qələbə ilə ayrılıblar.1296 azarkeşin tamaşa etdiyi oun 4:2 hesabı ilə başa çatıb.
Qalib komandanın heyətində qolları Kay Havers (51-ci dəqiqə) və Robin Hosens (60) vurublar. Portuqaliya millisinin heyətində Kriştianu Ronaldu (15) və Dioqu Jota (67) fərləniblər. Portuqaliyalıların daha iki oyunçusu isə avtoqola imza atıblar: Ruben Diaş (35) və Rafael Qerreyru (39). Bu avtoqollar turnirdə oyunçuların öz qapısına vurduğu 4 və 5-ci qollardır. Bu, Avropa çümpionatları üçün özünəməxsus bur rekorddur.
Ronaldu karyerası ərzində Almaniya yığmasına ilk qolunu vurub və bununla da dünya və Avropa çempionatlarında vrduğu topların sayını 19-a çatdırıb. Bu göstəriciyə görə futbolçu 2016-cı ildə karyerasını başa vurmuş almaniyalı Miroslav Klozeyə çatıb.
"F" qrupunda keçirilən digər oyunda Fransa və Macarıstan 1:1 hesabı ilə heç-heçə ediblər. İki turdan sonra fransızların 4, Almaniya və Portuqaliyanın isə hərəyə 3 xalı var. Macarıstan 1 xalla qrupda sonuncu yerdədir.
Qrup mərhələsinin son turunda Almaniya millisi Münhendə macarlarla, Portuqalıya yığması isə Budapeştdə fransıqlarla üz-üzə gələcək. Oyunlar iyunun 23-də keçiriləcək.