BAKI, 20 may — Sputnik, İlham Mustafa. Şəhid kapitan Emin Mahmudovun qız övladı dünyaya gəlib. Ona atasının vəsiyyətinə uyğun olaraq Zəhra adı verilib. Bu haqda Sputnik Azərbaycan-ın bölgə müxbirinə şəhidin həyat yoldaşı Aytac Mahmudova danişib. O, şəhid yoldaşı ilə fəxr etdiyini bildirib:
“O özü demişdi ki, mən öz övladımı təmtəraqla xəstəxanadan çıxaracağam. O bu gün burada olmasa da insanlarımız arzusunu yerinə yetirdilər. Biz də onun vəsiyyətinə əməl edərək öz istədiyi adı övladına verdik. Şəhid olmamışdan qabaq demişdi, oğlum olsa, adını İlham, qızım olsa, Zeynəb qoyarsız. Mən öz şəhid yoldaşımla qürur duyuram”.
Şəhidin anası Bəsti Məmmədova da qürurlu anlar yaşadığını bildirib.
“O tək ailəsinin yox, doğulduğu Tovuz rayonunun başını uca etdi. Göstərdi ki, tovuzlular düşmənə qarşı daha döyüşkən, daha sərtdirlər. Hazırda göstərilən qayğıya görə hər kəsə təşəkkür edirəm”, - ana söyləyib.
Kapitan Emin Mahmudov 1994-cü ildə Tovuz rayonunun Avulbəyli kəndində anadan olub. 44 günlük Vətən müharibəsində öz hünər və şücaətiylə yadda qalıb. Oktyabrın 11-i Hadrut istiqamətində 80-dək döyüş yoldaşını mühasirədən çıxararkən şəhid olub.
Emin Mahmudovun Zeynəblə yanaşı, 4 və yaşyarımlıq iki övladı yadigar qalıb.
Eləcə də oxuyun:
* Daha bir hərbçimizin şəhidlik xəbəri gəldi
* Şəhidin xanımı: Atasını büküb gətirdikləri bayrağa, övladımı bükürəm ki, ətri hopsun
* Son gülləsinədək döyüşən şəhid - bu gün onun günüdür