Zülfiyyə Quluyeva, Sputnik Azərbaycan
BAKI, 31 avqust — Sputnik. Turizm sahəsində dələduzluqla məşğul olanlar tur şirkətlərinin xaricdəki partnyorlarına da kələk gəlməyə başlayıblar. Bu barədə Sputnik Azərbaycan-a açıqlamasında Azərbaycan Turizm Assosiasiyasının (AZTA) rəhbəri Nahid Bağırov məlumat verib.
O, artıq səyahət üçün Azərbaycanı seçən bir neçə turistin aldadıldığını söyləyib. N.Bağırov bildirib ki, son vaxtlar nəinki Azərbaycan vətəndaşlarını, xaricdə partnyor turizm şirkətlərinin də aldadılması ilə bağlı faktlar üzə çıxıb. N.Bağırov turizm sahəsində baş verən bu dələduzluq hadisələrinin bu mövsüm daha çox artdığını bildirib.
Onun sözlərinə görə, turizm mövsümü başlayandan AZTA-ya 50-dən çox belə şikayət daxil olub. AZTA rəhbəri bildirib ki, turistlər şirkət seçimində daha diqqətli olmalıdırlar.