BAKI, 23 avqust — Sputnik. Bu gün Avropa Liqasında pley-off mərhələsinin ilk oyunları keçirilib.
Sputnik Azərbaycan xəbər verir ki, turnirdə yeganə təmsilçimiz “Qarabağ” da meydana çıxıb. Ağdam klubu Şimali İrlandiyada “Llinfild”lə qarşılaşıb. Bakı vaxtı ilə saat 22:45-də başlayan görüş ev sahibinin 3:2 hesablı qələbəsi ilə bitib.
Qolları Faysal Rerras (15`), Stafford (40`), Leyveri (45+1`, 74`), Qeye (pen. 90+3`) vurublar.
Qeyd edək ki, komandalar arasında cavab matçı avqustun 29-da Tofiq Bəhramov adına Respublika stadionunda olacaq.