BAKI, 25 oktyabr — Sputnik. Rusiya prezidenti Vladimir Putin İtaliyanın "Türk axını" qaz kəmərinə qoşulma imkanlarının araşdırıldığını deyib.
Sputnik Azərbaycan "NTV"yə istinadla xəbər verir ki, Vladimir Putin İtaliyanın baş naziri Giuseppe Conte ilə görüşüb.
Görüşdən sonra Putin Rusiyanın İtaliyanın "Türk axını" boru kəməri layihəsinə daxil olma imkanını qiymətləndirdiyini açıqlayıb.
Putin bildirib ki, bu, Bolqarıstan üzərindən ola bilər. Hətta Serbiya, Macarıstan və ya Yunanıstan üzərindən ola bilmə ehtimalı var.
Qeyd edək ki, daha əvvəl Rusiya xarici işlər naziri Sergey Lavrov Avropa İttifaqı və digər ölkələrin "Türk axını" layihəsində iştirakının yalnız təminat verilməsi halında mümkün olduğunu açıqlamışdı.
"Türk axını" Rusiyadan Qara dəniz vasitəsilə Türkiyəyə və Türkiyənin qonşu ölkələrlə sərhədinədək uzanacaq ixrac qaz kəməri layihəsidir. Kəmərin birinci xətti Türkiyə bazarının, ikinci kəməri də Cənubi və Cənub-Şərqi Avropa ölkələrinin qaz təchizatı üçün nəzərdə tutulub.