BAKI, 28 aprel — Sputnik. Formula 1 Azərbaycan Qran-Prisinin sıralama turu başa çatıb. Yürüşə hər biri iki pilotdan ibarət on komanda qatılıb.
Sputnik Azərbaycan xəbər verir ki, yürüş iştirakçıları 1 saat ərzində uzunluğu 6 kilometr olan Bakı trekində yarışıblar.
Sıralama turunun nəticəsinə əsasən Azərbaycan Qran-Prisinin start düzülüşü müəyyənləşib. Yürüşün start düzülüşü aşağıdakı kimidir:
1. Sebastian Fettel, “Ferrari”
2. Luis Hamilton, “Mercedes”
3. Valtteri Bottas, “Mercedes”
4. Daniel Rikkardo, “Red Bull Racing”
5. Maks Ferstappen, “Red Bull Racing”
6. Kimi Raykonnen "Ferrari"
7. Eseteban Okon “Force India”
8. Serxio Peres, “Force India”
9. Niko Hulkenberq, Renault”
10. Karlos Sainz, “Renault"
11. Lans Stroll, “Williams”
12. Sergey Sirotkin, “Williams”
13. Fernando Alonso, “McLaren”
14. Çarles Lekler, “Sauber”
15. Kevin Maqnussen, “Haas"
16. Stoffel Vandurn, “McLaren”
17. Pyer Qasli, “Toro Rosso”
18. Markus Eriksson, “Sauber”
19. Brendon Hartli, “Toro Rosso”
20. Roman Qrojan, “Haas”.
Qeyd edək ki, Formula 1 Azərbaycan Qran Prisində “Renault” komandasının almaniyalı pilotu Niko Hulkenberq mühərrik dəyişikliyi ilə əlaqədar beş mövqe cəzalandırılıb. N.Hülkenberq 3-cü sərbəst yürüş zamanı pit-stop həyata keçirərkən komanda texniki qüsurlarla əlaqədar mühərriki dəyişməli olub. Formula 1 qaydalarına əsasən, bir mühərrik azı 6 mərhələdə istifadə olunmalıdır. Bununla əlaqədar olaraq N.Hulkenberqə cəza verilib. Beləliklə, sıralanma turunda tutduğu yerdən asılı olmayaraq, almaniyalı pilot yarışa 5 mövqe geridən başlayacaq.
Aprelin 29-da Formula 1 azarkeşləri Azərbaycan Qran-Prisində qalib adı uğrunda mübarizənin şahidi olacaqlar.