BAKI, 3 mart — Sputnik. Almaniyadan Türkiyəyə gedən azərbaycanlı qadın Düsseldorf hava limanında saxlanılıb.
“Report”un məlumatına görə, yerli məhkəmə Gülnarə Babayeva barəsində həbs qərarı çıxarıb.
O, ümumilikdə, 7 hadisə üzrə 32 min avro məbləğində dələduzluq etməkdə şübhəli bilinir.
Qadının yaşadığı evdə Azərbaycan pasportları da daxil olmaqla, ümumilikdə, 54 sənəd tapılıb.
Xatırladaq ki, keçən il Bakı Ağır Cinayətlər Məhkəməsi Gülnarə Babayevanı "sutenyorluğa" görə azadlıqdan şərti məhrum etmişdi. Məhkəmə onun himayəsində azyaşlı uşaq olmasını nəzərə almışdı. Gülnarə Babayeva öz anası Sədaqət Babayeva ilə bu əməlləri Türkiyədə həyata keçirirmiş.