BAKI, 10 fevral — Sputnik. Futbol üzrə dünya çempionatı ərəfəsində dünya turnesi çərçivəsində çempionatın Kubokunun əsli FIFA-Coca-Cola və AFFA tərəfindən Azərbaycana gətirilib.
Sputnik Azərbaycan xəbər verir ki, fevralın 9-da kubok Azərbaycan Respublikasının Prezidenti İlham Əliyevə təqdim olunub. Kubok futbol üzrə dünya çempionatı Kubokunun sahibi, Fransa yığma komandasının keçmiş oyunçusu, dünya futbol əfsanələrindən sayılan Kristian Karambo tərəfindən təqdim edilib.
Dünya kubokunun turnesi (World Cup Trophy Tour) ötən ilin sentyabrında Rusiyada başlayıb.
Dünya kuboku 1974-cü ildə qızıldan hazırlanıb və çəkisi 6,142 kq-dır.