https://sputnik.az/20240829/kiyevin-rusiyaya-raketlerin-atilmasina-icaze-vermek-telebi-santajdir---lavrov-466942946.html

Rusiya Ukrayna məsələsi ilə bağlı aparılan müzakirələri izləyir - Lavrov

Rusiya Ukrayna məsələsi ilə bağlı aparılan müzakirələri izləyir - Lavrov

Sputnik Azərbaycan

Rusiya XİN rəhbəri deyib ki, NATO üzvləri daxilində Ukrayna məsələsi ilə bağlı müzakirələrin və praktiki fəaliyyətlərin necə inkişaf etdiyini izləyirlər. 29.08.2024, Sputnik Azərbaycan

2024-08-29T18:15+0400

2024-08-29T18:15+0400

2024-08-29T17:42+0400

sergey lavrov

rusiya

yəmən

nüvə

nüvə silahı

qərb

şantaj

ukrayna

sergey ryabkov

https://cdnn1.img.sputnik.az/img/07e8/07/04/465812563_0:0:3223:1813_1920x0_80_0_0_fae04887612439dccc26fa5230e79110.jpg

BAKI, 29 avqust — Sputnik. Rusiya Qərbdə Ukrayna məsələsi ilə bağlı müzakirələri izləyir. Bunu Rusiya xarici işlər naziri Sergey Lavrov bəyan edib. Hazırda Brüsseldə Ukraynanın xarici işlər naziri Dmitri Kulebanın iştirakı ilə Aİ nazirlərinin qeyri-rəsmi sammiti keçirilir. "Biz, əlbəttə ki, NATO üzvləri daxilində Ukrayna məsələsi ilə bağlı müzakirələrin və praktiki fəaliyyətlərin necə inkişaf etdiyini izləyirik" - Lavrov Brüsseldə keçirilən görüşdəki bəyanatları şərh edərkən deyib. Onun qiymətləndirməsinə görə, Qərb koalisiyası ciddi şəkildə "böyük yoldaşının" (ABŞ) göstərişlərini yerinə yetirmək və NATO-nun doktrina sənədlərində yazılan Rusiyaya strateji məğlubiyyət vermək niyyətindədir. "Moskva dəfələrlə danışıqlara hazır olduğunu bildirsə də, Kiyev onlara qanunvericilik səviyyəsində qadağa qoyub. Qərb Rusiyanı danışıqlara çağırır, Moskva buna hazır olduğunu göstərir, lakin eyni zamanda Qərb Kiyevin dialoqdan daim imtina etməsinə məhəl qoymur" - Lavrov deyib. Əvvəllər Kreml bəyan edirdi ki, hazırda Ukraynada vəziyyətin dinc istiqamətə keçməsi üçün heç bir ilkin şərt yoxdur, Rusiya üçün mütləq prioritet xüsusi əməliyyatın məqsədlərinə nail olmaqdır, hazırda bu, yalnız hərbi yolla mümkündür. Kreml bəyan edib ki, de-fakto vəziyyət və yeni reallıqlar nəzərə alınarsa, Moskvanın bütün tələbləri məqbul hesab edilərsə, Ukraynadakı vəziyyət dinc məcraya keçə bilər.27.08.24, 22:00Kiyevin Rusiyaya raketlərin atılmasına icazə vermək tələbi şantajdır - LavrovUkraynanın Qərbə "Storm Shadow" raketlərinin Rusiya ərazisinə atılmasına icazə vermək tələbləri şantajdır. Qərb bu mövzuda müzakirələr apararkən odla oynayır. Bunu Rusiyanın xarici işlər naziri Sergey Lavrov Yəmənin xarici işlər naziri Şaye Əl-Zindani ilə danışıqlardan sonra keçirilən mətbuat konfransında deyib. "Bu, şantajdır, guya Qərbin həddindən artıq eskalasiyadan qaçmaq istədiyini göstərmək cəhdidir, lakin əslində bu, hiylədir", Lavrov deyib. Diplomat mətbuat konfransında əlavə edib ki, Qərb eskalasiyadan qaçmaq istəmir, o, odla oynayır. Lavrov vurğulayıb ki, nüvə silahı həvalə edilmiş bu və ya digər Qərb ölkəsindən olan dayılar və xalalar üçün odla oynamaq təhlükəlidir.Xatırladaq ki, bu yaxınlarda Böyük Britaniyanın xarici işlər naziri Devid Kemeron Kiyev rejiminə İngiltərə silahlarının istifadəsini müəyyən etmək hüququnu buraxdığını bildirib. Rusiyanın xarici işlər naziri Sergey Lavrov bu cür bəyanatları şərh edərkən qeyd edib ki, Kemeron tövbə etməyib, çünki belə insanlar bu hissdən məhrumdurlar. Rusiya prezidentinin mətbuat katibi Dmitri Peskov vurğulayıb ki, Kemeronun Ukraynanın Rusiyaya zərbələr endirmək üçün İngiltərə silahlarından istifadə etmək hüququ ilə bağlı sözlərini Kreml birbaşa eskalasiya kimi qiymətləndirir. Peskov bu cür bəyanatları gərginliyi artırmaq üçün "təhlükəli tendensiya" adlandırıb.Rusiyanın nüvə silahından istifadə doktrinası təkmilləşdirilirLavrov Əl-Zindani ilə keçirdiyi mətbuat konfransında həmçinin qeyd edib ki, hazırda nüvə silahının istifadəsi üzrə Rusiya doktrinası təkmilləşdirilir.“Bizim öz doktrinamız var, o cümlədən nüvə silahından istifadə doktrinası. Yeri gəlmişkən, hazırda o dəqiqləşdirilir və ABŞ rəsmiləri bunu çox yaxşı bilirlər” - Lavrov deyib.Qeyd edək ki, iyun ayında Rusiya lideri Vladimir Putin Moskvanın nüvə doktrinasında mümkün dəyişiklikləri nəzərdən keçirdiyini xatırladıb. O, həmçinin qeyd edib ki, potensial rəqib nüvə arsenalından istifadə həddinin aşağı salınmasına yönəlmiş yeni strategiyalar hazırlayır.Daha əvvəl xarici işlər nazirinin müavini Sergey Ryabkov bildirmişdi ki, Rusiya Çinlə nüvə gücləri arasında nüvə silahından ilk dəfə istifadə olunmamasına dair sazişin imzalanması təşəbbüsünü müzakirə edib. O, bu fikrin rasional elementləri ehtiva etdiyi fikrini bildirib. Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2024

xəbərlər

ru_AZ

sergey lavrov, yəmən, nüvə, nüvə silahı, qərb, şantaj, ukrayna, sergey ryabkov