https://sputnik.az/20240614/yalniz-rusiya-ve-kiyev-terefinden-taninan-danisiqlar-sulhe-getirib-cixaracaq---braziliya--465412190.html

Yalnız Rusiya və Kiyev tərəfindən tanınan danışıqlar sülhə gətirib çıxaracaq - KİV

Yalnız Rusiya və Kiyev tərəfindən tanınan danışıqlar sülhə gətirib çıxaracaq - KİV

Sputnik Azərbaycan

G7 liderləri İtaliyanın cənubundakı Apuliya bölgəsindəki Borgo Eqnazia kurortunda danışıqlar aparırlar. 14.06.2024, Sputnik Azərbaycan

2024-06-14T20:00+0400

2024-06-14T20:00+0400

2024-06-14T20:01+0400

rf-in donbasın müdafiəsi üzrə xüsusi əməliyyatı

rusiya

ukrayna

danışıqlar

sülh

braziliya

g7

isveçrə

çin

italiya

https://cdnn1.img.sputnik.az/img/07e6/03/07/439943621_0:26:1202:702_1920x0_80_0_0_9e855d735b6a0dcc2d5ac0e5ca2df8c7.jpg

BAKI, 14 iyun - Sputnik. Braziliya prezidenti Luiz İnasio Lula da Silva G7 ölkələrinə üz tutaraq deyib ki, yalnız Moskva və Kiyev tərəfindən tanınan beynəlxalq konfrans Ukraynada sülhü mümkün edə bilər. Bu barədə RİA Novosti Qərb mediasına istinadən xəbər yayıb.Builki G7 sammitinə İtaliya sədrlik edir. G7 liderləri iyunun 13-15-də İtaliyanın cənubundakı Apuliya bölgəsindəki Borgo Eqnazia kurortunda danışıqlar aparır. Gündəlikdə Ukrayna, Yaxın Şərqdəki vəziyyət və miqrasiya mövzuları var. Yaponiya tərəfi Asiya-Sakit Okean regionundakı vəziyyətə də diqqəti cəlb etmək niyyətindədir.İsveçrə iyunun 15-16-da Luzern şəhəri yaxınlığında, Bürgenstok kurortunda Ukrayna ilə bağlı konfrans keçirəcək. Doxsana qədər ölkə, həmçinin Aİ, Avropa Şurası və BMT iştirakını təsdiqləyib.Konfransda ABŞ prezidenti Co Bayden, həmçinin Çin prezidenti Si Cinpin və Braziliya prezidenti Luiz İnasio Lula da Silva iştirak etməyəcək.İsveçrə Rusiya Federasiyasına Ukrayna ilə bağlı sammitdə iştirak etmək üçün dəvət göndərməyib, Moskva heç bir halda iştirak etməyəcək; Kreml bəyan edib ki, Rusiyanın iştirakı olmadan Ukrayna münaqişəsində vəziyyətin həlli variantlarını axtarmaq tamamilə məntiqsiz və əbəsdir.Bundan əvvəl Çinin xarici işlər naziri Vanq Yi ilə Braziliya prezidentinin xüsusi müşaviri Selso Amorim arasında keçirilən görüşdən sonra ÇXR və Braziliya “Ukrayna böhranının siyasi həllinə dair Çin və Braziliya arasında ümumi razılaşmalar” adlı birgə memorandum dərc ediblər.Tərəflər razılaşıblar ki, danışıqlar böhranın həlli üçün yeganə əlverişli variantdır və bütün tərəflər birbaşa dialoqun bərpası üçün şərait yaratmalıdır. Çin və Braziliya da müvafiq vaxtda, bütün tərəflərin bərabər iştirakı və bütün sülh təkliflərinin ədalətli müzakirəsi ilə Rusiya və Ukrayna tərəfindən tanınan beynəlxalq sülh konfransının keçirilməsini dəstəkləyiblər.Moskva dəfələrlə danışıqlara hazır olduğunu bildirsə də, Kiyev onlara qanunvericilik səviyyəsində qadağa qoyub. Qərb Rusiyanı danışıqlara çağırır, Moskva buna hazır olduğunu göstərir, lakin eyni zamanda Qərb Kiyevin dialoqdan daim imtina etməsinə məhəl qoymur.Əvvəllər Kreml bəyan edirdi ki, hazırda Ukraynada vəziyyətin dinc istiqamətə keçməsi üçün heç bir ilkin şərt yoxdur. Kreml bəyan edib ki, Moskvanın bütün tələbləri məlum olsa, faktiki vəziyyət və yeni reallıqlar nəzərə alınarsa, Ukraynada vəziyyət dinc istiqamətə keçə bilər.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

https://sputnik.az/20240614/putin-ukrayna-ile-sulh-danisiqlari-ucun-sertlerini-aciqladi-465397431.html

2024

xəbərlər

ru_AZ

rusiya, ukrayna, danışıqlar, sülh, braziliya, g7, isveçrə, çin, italiya, sammit