https://sputnik.az/20240222/medvedev-qanli-telxek-sonuk-texnokratlar-ve-abs-la-gelecek-munasibetler-barede-462797802.html

Medvedev "qanlı təlxək", "sönük texnokratlar" və ABŞ-la gələcək münasibətlər barədə

Medvedev "qanlı təlxək", "sönük texnokratlar" və ABŞ-la gələcək münasibətlər barədə

Sputnik Azərbaycan

Medvedevin sözlərinə görə, danışıqlar Ukraynada hakimiyyət dəyişikliyindən sonra mümkün olacaq. 22.02.2024, Sputnik Azərbaycan

2024-02-22T22:40+0400

2024-02-22T22:40+0400

2024-02-22T22:40+0400

dmitri medvedev

rusiya

ukrayna

vladimir zelenski

sülh

abş

vladimir putin

https://cdnn1.img.sputnik.az/img/07e6/04/05/440813323_0:0:2199:1237_1920x0_80_0_0_e79bf53ffd3c2b99b1458d1085a1847d.jpg

BAKI, 22 fevral — Sputnik. Mümkün danışıqlar üçün Rusiyanın şərtləri aydındır - bu, xüsusi əməliyyatın nəticələrinin tanınmasıdır. Bunu Rusiya Təhlükəsizlik Şurasının sədr müavini Dmitri Medvedev Rusiya KİV-lərinə, o cümlədən "RİA Novosti"yə müsahibəsində bildirib. Təhlükəsizlik Şurası sədrinin müavini Ukrayna ilə danışıqlar mövzusuna toxunaraq qeyd edib ki, Rusiya Federasiyası onlardan heç vaxt imtina etməyib, lakin Qərb bu istiqamətdə Kiyevdən heç bir nəticə əldə edə bilmir. Ukraynanı danışıqlara sövq etmək cəhdləri belə hələ ki, uğur gətirməyib. Medvedevin sözlərinə görə, danışıqlar Ukraynada hakimiyyət dəyişikliyindən sonra mümkün olacaq. Rusiya Təhlükəsizlik Şurasının sədr müavini onu da qeyd edib ki, Zelenski (Ukrayna prezidenti Vladimir Zelenski - red.) tarixə qanlı təlxək kimi düşəcək: "Bu obraza gəlincə, onun taleyi şübhəsiz kədərlidir - ölkəsinin tarixində, dünya tarixində məşhur nəşrlər sayəsində tanınan, xalqına yaxşı heç nə gətirməyən qanlı təlxək kimi qalacaq". Sönük texnokratlar Dmitri Medvedev hazırda Rusiya Federasiyası ilə ortaq dil axtarmasının məntiqli olacağı Avropa liderlərinin olmadığını, yalnız qaydanı pozan istisnalar olduğunu da bildirib. Siyasətçi Qərb liderlərini ABŞ-dan gələn əmrləri yerinə yetirən "sönük texnokratlar" adlandırıb. "Ona görə də orada danışılacaq heç kim yoxdur" – Medvedev deyib. "Avropada, artıq dəfələrlə dediyim kimi, liderlər yoxa çıxıb. Yalnız Avroatlantik idealları bölüşən sönük texnokratlar nəsli yetişib. Onlar öz milli problemləri ilə məşğul olmaq əvəzinə, Vaşinqtonun göstərişlərinə əməl edirlər. Bəli, Robert Fitso və ya Viktor Orban kimi istisnalar var. Qalanların hamısı öz mövqeyinə malik olmayan insanlardır" - Medvedev deyib. O, Avropada Rusiya Federasiyası üçün ümumi dil tapmağın daha asan olacağı insanların hakimiyyətə gəlməsini istisna etməyib. Rusiya ABŞ-la münasibətləri yaxşılaşdıracaq? Rusiya TŞ-nin sədr müavini yaxın illərdə Rusiya ilə Amerika arasında münasibətləri yaxşılaşdırmağın mümkün olub-olmaması sualına da cavab verib. O, bildirib ki, yaxın onilliklərdə Rusiya və ABŞ arasında normal münasibətlər olmayacaq, yaxşılaşma mümkün deyil: "Yaxın illərdə, onilliklərdə baş verənlərdən sonra Amerika Birləşmiş Ştatları ilə normal münasibətlər olmayacaq. Biz ümumiyyətlə, ABŞ-da hakimiyyətin başında kimin olmasına tamamilə biganəyik. Mənim hazırkı mövqeyim, orada hansısa birbaşa diplomatik əlaqələr qurmaq zərurətindən asılı olmayaraq, bəzi digər dövrlərlə müqayisədə daha qəti və açıq danışmağa imkan verir. Sadəcə cavab verəcəm: mümkün deyil". Bundan əvvəl Dmitri Medvedev Rusiya Federasiyasının Ukraynadakı xüsusi əməliyyatı qələbə ilə başa çatdırmaq üçün hər şeyi edəcəyi barədə bəyanat vermişdi. Prezident Vladimir Putin, həmçinin qeyd edib ki, rusiyalıların böyük əksəriyyətinin ordu və donanma ilə birliyi Rusiyanın uğurlarının əsasıdır.

2024

xəbərlər

ru_AZ

dmitri medvedev, ukrayna, vladimir zelenski, sülh, abş, vladimir putin