https://sputnik.az/20240215/bakubus-avtobuslari-avtobus-zolagina-daxil-olan-suruculeri-qeyde-alacaq-resmi-aciqlama-460747712.html

"BakuBus"ın yeni nizamnaməsi və strukturu təsdiqlənəcək

"BakuBus"ın yeni nizamnaməsi və strukturu təsdiqlənəcək

Sputnik Azərbaycan

"BakuBus" Məhdud Məsuliyyətli Cəmiyyətinin idarə edilməsinin təkmilləşdirilməsinə dair tədbirlər haqqında sərəncam imzalanıb. 15.02.2024, Sputnik Azərbaycan

2024-02-15T14:22+0400

2024-02-15T14:22+0400

2024-02-15T15:18+0400

avtobus

paytaxt xəbərləri

ayna

yerüstü nəqliyyat agentliyi

bakubus

"bakubus" mmc

https://cdnn1.img.sputnik.az/img/42417/29/424172937_0:93:1947:1188_1920x0_80_0_0_d1bd951564ddbe77b1bdd8d4246e61d8.jpg

BAKI, 15 fevral — Sputnik. Prezident İlham Əliyev "BakuBus" Məhdud Məsuliyyətli Cəmiyyətinin idarə edilməsinin təkmilləşdirilməsinə dair tədbirlər haqqında sərəncam imzalayıb. "BakuBus" Məhdud Məsuliyyətli Cəmiyyətinin (bundan sonra – Cəmiyyət) tabeliyi dəyişdirilərək Azərbaycan İnvestisiya Holdinqinin idarəetməsinə verilməsi ilə əlaqədar Cəmiyyətdə ümumi yığıncağın səlahiyyətlərinin həyata keçirilməsi aşağıdakılara həvalə edilib: Azərbaycan Respublikasının Prezidentinə: - Cəmiyyətin yenidən təşkili və ləğvi; - Cəmiyyətin Müşahidə Şurasının və icra orqanının üzvlərinin, o cümlədən onların rəhbərlərinin vəzifəyə təyin və vəzifədən azad edilməsi; Azərbaycan Respublikasının Prezidenti ilə razılaşdırmaqla Azərbaycan İnvestisiya Holdinqinə: - Cəmiyyətin nizamnaməsinin və strukturunun təsdiq edilməsi, nizamnamə kapitalının miqdarının müəyyən edilməsi; - Cəmiyyətin illik hesabatlarının, maliyyə hesabatlarının təsdiq edilməsi, mənfəətinin və zərərinin bölüşdürülməsi; - Cəmiyyətin xalis mənfəətinin bölüşdürülməsi siyasətinin təsdiq edilməsi; - Cəmiyyətin xalis aktivlərinin dəyərinin 50 (əlli) faizindən artıq məbləğdə olan əqdin (xüsusi əhəmiyyətli əqdin), eləcə də müstəqil auditorun rəyi ilə aidiyyəti şəxslə dəyəri Cəmiyyətin aktivlərinin 5 (beş) faizini və daha çox hissəsini təşkil edən əqdin bağlanması haqqında qərar qəbul edilməsi. Müəyyən edilib ki: - Cəmiyyətin fəaliyyətinə ümumi rəhbərliyi və nəzarəti həyata keçirmək üçün sədr də daxil olmaqla 3 (üç) üzvdən ibarət Müşahidə Şurası yaradılır; - Cəmiyyətin Müşahidə Şurasının səlahiyyətləri aşağıdakılardır: - Cəmiyyətin uzunmüddətli inkişaf strategiyasını təsdiq etmək; - Cəmiyyətin xərclər və gəlirlər smetasını təsdiq etmək və onun icrasına nəzarəti həyata keçirmək; - Cəmiyyətin xalis aktivlərinin dəyərinin 50 (əlli) faizindən artıq məbləğdə olan əqdin (xüsusi əhəmiyyətli əqdin), eləcə də müstəqil auditorun rəyi ilə aidiyyəti şəxslə dəyəri Cəmiyyətin aktivlərinin 5 (beş) faizini və daha çox hissəsini təşkil edən əqdin bağlanmasına dair ümumi yığıncağa təkliflər vermək; - aidiyyəti şəxslərlə bağlanması nəzərdə tutulan və dəyəri Cəmiyyətin aktivlərinin 5 (beş) faizədək hissəsini təşkil edən əqdləri təsdiq etmək; - mövcud normativ hüquqi aktların tələbləri nəzərə alınmaqla, Cəmiyyətin aktivlərinin idarəetməyə verilməsi və özəlləşdirilməsi ilə bağlı əqdlərin bağlanmasına razılıq vermək; - Cəmiyyətin fəaliyyətinin ayrı-ayrı sahələri üzrə siyasəti, daxili qaydaları, habelə filial və nümayəndəliklərinin əsasnamələrini təsdiq etmək; - Cəmiyyətin korporativ strukturunun və ştat cədvəlinin təsdiq edilməsinə razılıq vermək; - Cəmiyyətin Audit Komitəsini və digər komitələrini yaratmaq, onların əsasnamələrini təsdiq etmək, rəhbərlərini və üzvlərini vəzifəyə təyin və vəzifədən azad etmək; Nazirlər Kabineti: - "BakuBus" Məhdud Məsuliyyətli Cəmiyyətinin Azərbaycan İnvestisiya Holdinqinin idarəetməsinə verilməsindən irəli gələn məsələlərin həlli üçün zəruri tədbirlər görməli; - bu Sərəncamdan irəli gələn digər məsələləri həll etməlidir.Azərbaycan İnvestisiya Holdinqi: - Cəmiyyətin idarə olunmasına dair korporativ idarəetmə standartlarını, habelə onun idarəetmə orqanlarının üzvlərinin fəaliyyətinin qiymətləndirilməsi sistemini altı ay müddətində təsdiq etsin; - beynəlxalq məsləhətçi şirkət cəlb etməklə, mövcud müqavilə öhdəliklərinə riayət olunması şərtilə Cəmiyyətin hüquq, maliyyə, vergi və kommersiya sahələrində fəaliyyətinin nəticələrinin diaqnostikasının aparılmasını üç ay müddətində təmin edib nəticəsi barədə Azərbaycan Respublikasının Prezidentinə məlumat verməli; - diaqnostika başa çatdıqdan sonra onun nəticəsindən asılı olaraq, Cəmiyyətin yeni nizamnaməsinin və strukturunun layihəsini üç ay müddətində hazırlayıb razılaşdırılmaq üçün Azərbaycan Respublikasının Prezidentinə təqdim etməli; - bu Sərəncamdan irəli gələn digər məsələləri həll etməlidir. Bakı Nəqliyyat Agentliyi bu Sərəncamdan irəli gələn məsələləri həll etməlidir. 21.11.23Sosial şəbəkələrdə Bakubus avtobuslarına avtobus zolaqlarına daxil olan sürücülərin qeydə alınması üçün videokameraların quraşdırıldığı barədə məlumat yayılıb. Həmin məlumatda bildirilir ki, kameralar vasitəsilə avtobus zolağına daxil olan sürücülər qeydə alınaraq yol polisinə göndəriləcək. Azərbaycan Yerüstü Nəqliyyat Agentliyinin (AYNA) mətbuat katibi Tural Orucov Sputnik Azərbaycan-a açıqlamasında bildirib ki, yayılan məlumatlar əsassızdır. Qeyd edək ki, avtobus zolağına təyinatı üzrə daxil olmayan digər nəqliyyat vasitələri İnzibati Xətalar Məcəlləsinin 327-ci maddəsinin 1-ci bəndinə uyğun olaraq 40 manat məbləğində cərimə tətbiq edilir.

2024

xəbərlər

ru_AZ

avtobus, ayna, yerüstü nəqliyyat agentliyi, bakubus, "bakubus" mmc