https://sputnik.az/20231227/baki-metrosu-is-rejimini-deyisdirecek-461604667.html

Bakı metrosu iş rejimini dəyişdirəcək

Bakı metrosu iş rejimini dəyişdirəcək

Sputnik Azərbaycan

Bakı metrosunda qatarların hərəkəti payız-qış qrafikinin iş günlərinə uyğun tənzimlənəcək. 27.12.2023, Sputnik Azərbaycan

2023-12-27T11:08+0400

2023-12-27T11:08+0400

2023-12-27T11:09+0400

metro

paytaxt xəbərləri

bakı metropoliteni

bakı metrosu

iş rejimi

dünya azərbaycanlılarının həmrəylik günü və yeni il

dünya azərbaycanlılarının həmrəylik günü

yeni il

yeni il

yeni il bayramı

https://cdnn1.img.sputnik.az/img/07e5/05/1f/427084881_0:0:3067:1725_1920x0_80_0_0_009cf65e3a473b32bb4a42ed3e57e973.jpg

BAKI, 27 dekabr — Sputnik. 31 Dekabr - Dünya Azərbaycanlılarının Həmrəyliyi Günü və Yeni il bayramı günlərində "Bakı Metropoliteni" QSC-nin iş rejimində dəyişikliklər ediləcək. Bu barədə səhmdar cəmiyyət məlumat yayıb. Nazirlər Kabinetinin qərarına əsasən 30 dekabr 2023-cü il şənbə və 2024-cü ilin 7 yanvar tarixi bazar günləri olsa da, iş günləri elan edildiyindən Bakı metrosunda qatarların hərəkəti payız-qış qrafikinin iş günlərinə uyğun tənzimlənəcək. "28 May-Həzi Aslanov" sahəsində gur saatlarda qatarlar arasında 2 dəqiqəlik interval olacaq. Metropolitendə gur saatlar səhər saat 07:00-dan 10:00-a, axşam saatlarında isə 17:30-dan 19:30-a qədərdir. Dekabrın 31-i və 2024-cü il yanvarın 1-i "28 May-Həzi Aslanov" istiqamətində qatarların hərəkəti səhər saat 07:00-dan axşam saat 21:00-a qədər 2.5 dəqiqəlik intervalla nizamlanacaq. Lakin şəhər mərkəzinə bayram gəzintiləri və müxtəlif kütləvi-mədəni tədbirlər nəzərə alınaraq, ehtiyat qatarlar günün istənilən vaxtı müxtəlif istiqamətlərdən xəttə buraxılmaq üçün hazır vəziyyətdə saxlanılacaq. Həmin məkanlara yaxın stansiyalarda əlavə işçi qüvvəsi cəlb edilməklə növbətçilik cədvəli tərtib olunacaq. Yeni ilin gəlişi ilə əlaqədar ənənəvi şəhər gəzintisinə gecə çıxacaq paytaxt sakinləri və qonaqların maraqları nəzərə alınaraq, dekabrın 31-dən 2024-cü il yanvarın 1-nə keçən gecə Bakı metropoliteninin iş rejimi 1 saat uzadılacaq. Bütün stansiyalar gecə saat 01:00-a qədər sərnişinlərin girişinə açıq olacaq. 2024-cü il yanvarın 2-dən 6-na qədər "28 May-Həzi Aslanov" istiqamətində qatarların hərəkəti səhər saat 07:00-dan axşam saat 21:00-a qədər 3 dəqiqəlik intervalla tənzimlənəcək. Ancaq sərnişin axınının istiqamətləri nəzərə alınmaqla, ehtiyat qatarlar xəttə buraxılmaq üçün hazır vəziyyətdə olacaq. "Bakmil" stansiyası istiqamətində və əksinə hərəkət edən sərnişinlərdən xahiş olunur ki, 30 dekabr-7 yanvar iş günləri, 31 dekabr-1 yanvar şənbə günləri və 2-6 yanvar tarixlərində bazar günlərinin hərəkət cədvəlindən istifadə etsinlər. Yeni ilin gəlişinin yüksək ovqatla qeyd edilməsi və bayram günlərində bütün sərnişinlərin metropolitendən rahat və təhlükəsiz istifadə etməsi üçün "Bakı Metropoliteni" neqativ hallara yol verilməməsi, istifadə qaydalarına və ictimai asayişin tələblərinə, həmçinin sanitar-gigiyenik normalara ciddi riayət edilməsini xahiş edib.

2023

xəbərlər

ru_AZ

metro, bakı metropoliteni, bakı metrosu, iş rejimi, dünya azərbaycanlılarının həmrəylik günü və yeni il, dünya azərbaycanlılarının həmrəylik günü, yeni il, yeni il, yeni il bayramı