https://sputnik.az/20231107/rusiya-xn-den-srailin-nuve-silahi-ile-bagli-beyanatina-reaksiya-460354199.html

Rusiya XİN-dən İsrailin nüvə silahı ilə bağlı bəyanatına reaksiya

Rusiya XİN-dən İsrailin nüvə silahı ilə bağlı bəyanatına reaksiya

Sputnik Azərbaycan

Fələstinin HƏMAS hərəkatının hərbi qanadının elan etdiyi "Əl-Əqsa tufanı" əməliyyatı çərçivəsində oktyabrın 7-də İsrail Qəzza zolağından görünməmiş miqyaslı... 07.11.2023, Sputnik Azərbaycan

2023-11-07T14:49+0400

2023-11-07T14:49+0400

2023-11-07T14:49+0400

rusiya xin

rusiya

rusiya xarici işlər nazirliyi

həmas

həmas

israil

nüvə silahı

bmt təhlükəsizlik şurası

fələstin

mariya zaxarova

https://cdnn1.img.sputnik.az/img/07e6/09/1d/446852690_0:129:3184:1920_1920x0_80_0_0_cedfac8f2c71e2e8ad6d163eee6dc47c.jpg

BAKI, 7 noyabr — Sputnik. İsraildə nüvə silahı ilə bağlı bəyanat həmin silahların ölkənin arsenalında olması ilə bağlı bir çox suallar doğurub. Bunu Rusiya XİN sözçüsü Mariya Zaxarova deyib. Bundan əvvəl İsrailin Qüds və İrs məsələləri üzrə naziri Amixay Eliyahunun Qəzza zolağında nüvə silahından istifadə ehtimalı səsləndirimişdi. "Bu, çoxlu suallar doğurdu. Bir nömrəli sual - belə çıxır ki, biz nüvə silahının olması ilə bağlı rəsmi açıqlamaları eşidirik? Hər kəsi maraqlandıran bu suallar: beynəlxalq təşkilatlar haradadır, ABEA müfəttişlər haradadır?", - Zaxarova deyib. O, əlavə etdi ki, bəyanatlar eskalasiyanı tamamilə fərqli səviyyəyə aparır. Fələstinin HƏMAS hərəkatının hərbi qanadının elan etdiyi "Əl-Əqsa tufanı" əməliyyatı çərçivəsində oktyabrın 7-də İsrail Qəzza zolağından görünməmiş miqyaslı raket hücumuna məruz qalıb. Bundan sonra təşkilatın döyüşçüləri İsrailin cənubundakı sərhəd bölgələrinə daxil olub, burada həm hərbçilərə, həm də mülki şəxslərə atəş açıb, həmçinin 200-dən çox insanı girov götürüb. İsrail yerli hakimiyyət orqanlarının məlumatına görə, 1,4 mindən çox insan, o cümlədən 300 hərbçi həlak olub, 5 mindən çoxu yaralanıb. Buna cavab olaraq İsrail Müdafiə Qüvvələri Qəzza zolağında HƏMAS-a qarşı "Dəmir Qılınclar" əməliyyatına başlayıb. Bir neçə gün ərzində İsrail hərbçiləri Qəzza ilə sərhədə yaxın bütün əraziləri nəzarətə götürüb və hədəflərə, o cümlədən mülki şəxslərə hava zərbələri endirməyə başlayıb. Qəzza zolağında qurbanların sayı 10 mini keçib, 24,8 mindən çox insan yaralanıb. Rusiya səfirliyi münaqişənin kəskinləşməsi zamanı 20 rusiyalının öldürüldüyünü, ikisinin girov götürüldüyünü, yeddi nəfərin itkin düşdüyünü bildirib. Müxtəlif mənbələrə görə, təxminən 150 israilli HƏMAS-ın əsirliyində ola bilər. Hərəkat özü bildirib ki, Qəzza zolağında təxminən 200-250 məhbus var. Rusiya Xarici İşlər Nazirliyi tərəfləri hərbi əməliyyatları dayandırmağa çağırıb. Rusiya prezidenti Vladimir Putinin fikrincə, Yaxın Şərq böhranının həlli yalnız BMT Təhlükəsizlik Şurası tərəfindən təsdiq edilmiş və Fələstin daxilində müstəqil Fələstin dövlətinin yaradılmasını nəzərdə tutan "iki dövlət" formuluna əsasən mümkündür. Tərəflərin ərazi maraqları ilə bağlı Fələstin-İsrail münaqişəsi uzun onilliklər ərzində regionda gərginlik və döyüş mənbəyi olub.

2023

xəbərlər

ru_AZ

rusiya xin, rusiya xarici işlər nazirliyi, həmas, həmas, israil, nüvə silahı, bmt təhlükəsizlik şurası, fələstin, mariya zaxarova, mariya zaxarova, rusiya xarici işlər nazirliyinin sözçüsü mariya zaxarova