https://sputnik.az/20231101/rusiyada-etanola-aksiz-vergisinin-tetbiqine-etiraz-edilib-460154587.html

Rusiyada etanola aksiz vergisinin tətbiqinə etiraz edilib

Rusiyada etanola aksiz vergisinin tətbiqinə etiraz edilib

Sputnik Azərbaycan

Etanola aksiz vergisi həyati vacib və zəruri dərmanlar siyahısında olan dərmanların hazırlanması prosesində istifadə edilən bir çox əczaçılıq məhsullarının... 01.11.2023, Sputnik Azərbaycan

2023-11-01T23:59+0400

2023-11-01T23:59+0400

2023-11-01T23:59+0400

vergi

rusiya

avrasiya iqtisadi ittifaqı

əczaçılıq məhsulları

valentina matviyenko

https://cdnn1.img.sputnik.az/img/42357/76/423577698_0:0:3071:1728_1920x0_80_0_0_5ec7fa3579187be0e3eefc8606fe8784.jpg

BAKI, 1 noyabr — Sputnik. Avrasiya İqtisadi İttifaqının Əczaçılıq İstehsalçıları Assosiasiyası (AİİƏİA) Rusiya Maliyyə Nazirliyinin rəhbəri Anton Siluanova müraciət edərək Nazirliyin aksiz vergilərinin bütün alkoqol, o cümlədən tibbi spirtə tətbiq edilməsi təşəbbüsünü tənqid edib. Sənaye nümayəndələri ehtimal edirlər ki, etanolla bağlı belə bir qərar saxta alkoqolla mübarizəyə ciddi təsir göstərməyəcək, lakin bu, həyati vacib və zəruri dərmanlar siyahısından olan dərmanların qiymətinin 30-80% artmasına səbəb olacaq. Rusiyanın Səhiyyə, eləcə də Sənaye və Ticarət Nazirliyi də Maliyyə Nazirliyinin mövqeyini tam dəstəkləməyə hazır deyil. Assosiasiyanın məktubunda deyilir ki, etanola aksiz vergisi həyati vacib və zəruri dərmanlar siyahısında olan dərmanlar üçün istifadə edilən bir çox əczaçılıq maddələrinin istehsalına mənfi göstərəcək. Federasiya Şurasının rəhbəri Valentina Matviyenko 2023-cü ilin yayında tibbi spirtə aksiz vergisinin tətbiq edilməsinin zəruriliyindən danışıb. O, 2022-ci ildə Rusiyada 6,8 milyon desilitr etanol istehsal etdiyi, lakin əczaçılıq sənayesinin cəmi 1,6 milyon desilitr istifadə etdiyi statistikaya istinad edib. Həcmin qalan hissəsi, Matviyenkonun sözlərinə görə, saxta alkoqollu məhsulların istehsalına sərf edilib. Matviyenkonun fikri o zaman Siluanov tərəfindən də dəstəklənib. 2023-cü il avqustun əvvəlində Rusiya Maliyyə Nazirliyi Rusiya Federasiyası Hökumətinə Vergilər Məcəlləsinin 2-ci hissəsi 22-ci fəsli üçün ("Aksizlər") dəyişikliklər layihəsini göndərib. Departament qeyd edib ki, tibbi spirtə aksiz vergilərinin uzadılması Rusiyada spirt bazarının leqallaşdırılmasına kömək edəcək. Avrasiya İqtisadi İttifaqının Əczaçılıq İstehsalçıları Assosiasiyasının (AİİƏİA) rəhbəri Aleksey Kedrin qeyd edib ki, "Son nəticədə, hətta Rusiya əczaçılıq istehsalı deyil, lazımi dərmanların daha bahalı xarici analoqlarına keçmək məcburiyyətində qalan xəstələr əziyyət çəkəcək". Peşəkar Əczaçılıq Təşkilatları İttifaqının icraçı direktoru Liliya Titova hesab edir ki, Maliyyə Nazirliyinin aksiz vergisi tətbiq edərkən xərclərin bir hissəsini istehsalçılara kompensasiya etmək təşəbbüsünü real adlandırmaq olmaz. O, dəqiqləşdirib ki, hələlik "bu mexanizm üçün konkret təkliflər" yoxdur, lakin onun "yalnız sözlə" yaradıla biləcəyi barədə hissiyyat var. Rusiya Federasiyasının maliyyə nazirinin müavini Aleksey Sazanov əvvəllər qeyd edib ki, 2024-cü ildən aksiz vergisi ölkədə istehsal olunan bütün alkoqol, o cümlədən tibbi spirtə şamil ediləcək. Müvafiq olmayan şəkildə istifadə edilən tibbi spirtin payına əsaslanaraq, belə bir mexanizmin tətbiqindən büdcəyə əlavə gəlirlər 15-20 milyard rubl arasında qiymətləndirilirdi. Sazanov həmin vaxt Səhiyyə Nazirliyinin təşəbbüsü bəyəndiyini bildirib və aydınlaşdırıb ki, mexanizm tətbiq edilməzdən əvvəl sosial əhəmiyyətli dərmanların qiymətinin artmasının qarşısının alınması məsələsi işlənib hazırlanmalıdır. "Aksizlər üzrə vergi müddəti bir aydır, ona görə də verginin yanvarın 1-dən tətbiq edilməsinə ehtiyac yoxdur. Bu ya fevralın 1-i, ya da martın 1-i ola bilər. Bu il, əlbəttə ki, biz bunu təqdim etməyəcəyik, amma gələn il mümkündür. Bu ideyanın həyata keçirilmə vaxtı daha çox sosial əhəmiyyətli dərmanların bahalaşmasının qarşısını almağa imkan verən mexanizm tapmağımızdan asılıdır", - deyə Sazanov izah edib. Tibbi spirtə aksiz vergilərinin tətbiqi ilə bağlı təkliflər fonunda bir neçə ixtisaslaşmış assosiasiya dərhal dərmanların qiymətinin mümkün artımını elan etdi. Əczaçılıq istehsalçıları dərmanların qiymətinin 30-80% arta biləcəyini qeyd etdilər. Avrasiya İqtisadi İttifaqının Əczaçılıq İstehsalçıları Assosiasiyası (AİİƏİA) ilə yanaşı, Əczaçılıq və Tibbi Cihaz İstehsalçılarının Milli Assosiasiyası və Peşəkar Əczaçılıq Təşkilatları İttifaqı da hökumətə müraciətlərini göndərib.

2023

xəbərlər

ru_AZ

vergi, avrasiya iqtisadi ittifaqı, əczaçılıq məhsulları, valentina matviyenko