https://sputnik.az/20231013/fuzulide-mulki-sexsler-minaya-dusub-olen-ve-yaralanan-var-459563881.html

Füzulidə mülki şəxslər minaya düşüb, ölən və yaralanan var

Füzulidə mülki şəxslər minaya düşüb, ölən və yaralanan var

Sputnik Azərbaycan

ANAMA bir daha vətəndaşları məsuliyyətli davranmağa, bələd olmadıqları ərazilərə daxil olmamağa, tələb olunan qaydalara riayət etməyə çağırır. 13.10.2023, Sputnik Azərbaycan

2023-10-13T10:45+0400

2023-10-13T10:45+0400

2023-10-13T10:45+0400

qarabağ

mina

füzuli

həlak olan

https://cdnn1.img.sputnik.az/img/07e5/07/16/427518750_0:0:1247:701_1920x0_80_0_0_d3d2df22302e3f63a18b3105cf9121ca.jpg

BAKI, 13 oktyabr — Sputnik. Bu gün Füzuli rayonunun Aşağı Veysəlli kəndi ərazisində minalardan təmizlənməyən ərazidə mina partlayışı hadisəsi baş verib. Bu barədə Daxili İşlər Nazirliyi və Minatəmizləmə Agentliyinin (ANAMA) Mətbuat Xidmətləri birgə məlumat yayıb. İlkin məlumata əsasən, tank əleyhinə mina partlayışı nəticəsində "Qazel" markalı maşının sürücüsü - 1987-ci il təvəllüdlü Əbilov Famil İlyas oğlu həlak olub, "Kamaz" tipli yük maşınının sürücüsü - 2000-ci il təvəllüdlü Bayramov Namaz Nəbadi oğlu xəsarət alıb. ANAMA bir daha vətəndaşları məsuliyyətli davranmağa, bələd olmadıqları ərazilərə daxil olmamağa, tələb olunan qaydalara riayət etməyə çağırır. Qeyd edək ki, ANAMA tərəfindən icra olunan əməliyyatlar barədə həftəlik məlumatda bildirilir ki, oktyabrın 2-dən 8-dək Azərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdə 426.5 hektar ərazini mina və partlamamış hərbi sursatlardan təmizləyib. Tərtər, Ağdam, Xocavənd, Laçın, Şuşa, Füzuli, Qubadlı, Cəbrayıl və Zəngilan rayonlarında icra olunan əməliyyatlar nəticəsində ümumilikdə 31 piyada əleyhinə, 67 tank əleyhinə mina, 1267 partlamamış hərbi sursat aşkarlanıb. Aşağıdakı tövsiyələrə riayət edərək mina təhlükəsi ilə mübarizə fəaliyyətinə dəstək olaq: Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2023

xəbərlər

ru_AZ

mina, füzuli, həlak olan