https://sputnik.az/20230913/sgaldan-azad-olunmus-erazilere-kocurulenlerin-sayi-aciqlanib-458576727.html

İşğaldan azad olunmuş ərazilərə köçürülənlərin sayı açıqlanıb

İşğaldan azad olunmuş ərazilərə köçürülənlərin sayı açıqlanıb

Sputnik Azərbaycan

30 ilə yaxın müddətdə işğal altında qalmış və yaşayış məntəqələrinin əksəriyyəti tamamilə dağıdılmış Qarabağ və Şərqi Zəngəzurda geniş bərpa-quruculuq işləri... 13.09.2023, Sputnik Azərbaycan

2023-09-13T13:53+0400

2023-09-13T13:53+0400

2023-09-13T13:54+0400

ərazi

qarabağ

işğaldan azad edilmiş ərazilər

qaçqınlar və məcburi köçkünlərin işləri üzrə dövlət komitəsi

rövşən rzayev

məcburi köçkünlər

https://cdnn1.img.sputnik.az/img/07e6/07/13/444146572_0:160:3072:1888_1920x0_80_0_0_ddc0eb01faa09ab108c96509feb07250.jpg

BAKI, 13 sentyabr — Sputnik. Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Kanadadan ölkəmizə səfərə gəlmiş nümayəndə heyəti ilə görüşüb. Komitədən bildiriblər ki, qonaqlara Ermənistanın işğalçılıq və deportasiya siyasəti nəticəsində ölkəmizin üzləşdiyi qaçqınlıq və məcburi köçkünlük problemi, onun həlli istiqamətində həyata keçirilən tədbirlər, dövlət komitəsinin fəaliyyət istiqamətləri, torpaqlarımızın işğaldan azad edilməsindən sonra yaranan reallıqlar, Böyük Qayıdış proqramı haqqında ətraflı məlumat verilib. Qeyd edilib ki, Prezident İlham Əliyevin sosial siyasətində qaçqınlara və məcburi köçkünlərə dəstək və qayğı xüsusi yer tutur, Birinci vitse-prezident Mehriban Əliyeva onların yaşayış şəraitinin yaxşılaşdırılmasını, təhsil, sağlamlıq, mədəni inkişaf məsələlərinin həllini daim diqqətdə saxlayır. Bildirilib ki, beynəlxalq hüququn prinsiplərinə əsasən, məcburi köçkünlərin doğma yurdlarına könüllü, təhlükəsiz və ləyaqətlə qayıdışının həyata keçirilməsi hazırda dövlətin qarşısında duran mühüm vəzifədir. 30 ilə yaxın müddətdə işğal altında qalmış və yaşayış məntəqələrinin əksəriyyəti tamamilə dağıdılmış Qarabağ və Şərqi Zəngəzurda geniş bərpa-quruculuq işləri aparılır. İrimiqyaslı layihələrin icrası soydaşlarımızın doğma yurdlarında dayanıqlı məskunlaşmasına imkan yaradır. Böyük Qayıdış proqramı çərçivəsində bu günədək 2000-dən çox məcburi köçkünün Zəngilanda, Laçında, Füzulidə və Tərtərdə bərpa edilən və ya yeni salınan yaşayış məntəqələrində məskunlaşdırılması təmin edilib. Onların köçürülməsi Dövlət Komitəsi tərəfindən icra olunur. Diqqətə çatdırılıb ki, aparılan sorğuların nəticəsinə əsasən, məcburi köçkünlərin mütləq əksəriyyəti doğma yurda qayıtmaq əzmindədir. Kanada İcmalar Palatasının üzvü, deputat Çandra Arya verilən ətraflı məlumatlara görə təşəkkür edib. Bildirib ki, Kanada da qaçqınlara dəstək olan ölkədir, əsasən, Asiya və Afrikadan gələn qaçqınlar qəbul edilir. Çandra Arya Azərbaycanda qaçqın və məcburi köçkünlər üçün çox yaxşı imkanlar yaradıldığını, bunun dövlətin məcburi köçkünlərə diqqət və qayğısının təzahürü olduğunu vurğulayıb. Qeyd edib ki, onların sülh şəraitində doğma yurdlarına qayıdışı mühüm hadisədir. Görüşdə Kanadanın nüfuzlu "Thej.ca" yəhudi media platformasının nəşriyyatının direktoru Ron İst və Kanadanın paytaxtı Ottava şəhərində fəaliyyət göstərən "Qarabağ" Azərbaycan həftəsonu məktəbinin həmtəsisçisi Nigar Əliyeva da iştirak edib. Səfər çərçivəsində qonaqların işğaldan azad olunmuş ərazilərə səfəri nəzərdə tutulub.

2023

xəbərlər

ru_AZ

ərazi, işğaldan azad edilmiş ərazilər, qaçqınlar və məcburi köçkünlərin işləri üzrə dövlət komitəsi, rövşən rzayev, məcburi köçkünlər