https://sputnik.az/20230621/rosatom-turkiye-ile-emekdasliga-aciqdir---dedusenko-456105669.html

"Rosatom" Türkiyə ilə əməkdaşlığa açıqdır - Dedusenko

"Rosatom" Türkiyə ilə əməkdaşlığa açıqdır - Dedusenko

Sputnik Azərbaycan

Akkuyu Nüvə layihəsi şirkətinin direktorlar şurasının sədr müavini türk tərəfdaşlara suyun təmizlənməsi, tədqiqat reaktorları, nüvə təbabəti təklif etməyə... 21.06.2023, Sputnik Azərbaycan

2023-06-21T23:30+0400

2023-06-21T23:30+0400

2023-06-21T23:30+0400

akkuyu atom elektrik stansiyası

rusiya

türkiyə

https://cdnn1.img.sputnik.az/img/07e5/0a/1d/434703407_0:97:1024:673_1920x0_80_0_0_e31f8733aa1197111734f6e004b20362.jpg

BAKI, 21 iyun — Sputnik. "Rosatom" Türkiyə ilə yeni atom elektrik stansiyaları layihələrində əməkdaşlığa açıqdır və həmçinin atomla bağlı digər sahələrdə də xidmətlər təklif etməyə hazırdır. Bunu Akkuyu Nüvə layihəsi şirkətinin direktorlar şurasının sədr müavini Anton Dedusenko bildirib. "Biz Türkiyə ilə əməkdaşlığımızı yüksək qiymətləndiririk. Rosatom bu forum da daxil olmaqla, hər zaman yeni müzakirələrə hazırdır və açıqdır. Təbii ki, bura yeni AES layihələri də daxil ola bilər. Demək istəyirəm ki, biz türk tərəfdaşlarımıza suyun təmizlənməsi, tədqiqat reaktorları, nüvə təbabəti təklif etməyə hazırıq", - Dedusenko İstanbulda keçirilən Doqquzuncu AES-in Sammitində bildirib. Onun sözlərinə görə, bu sammitdə bu mövzuların müzakirəsi gözlənilir. Qeyd edək ki, Rusiya Federasiyası hökuməti ilə Türkiyə hökuməti arasında Türkiyə Respublikasındakı Akkuyu ərazisində atom elektrik stansiyasının tikintisi və istismarı sahəsində əməkdaşlıq haqqında saziş 2010-cu il mayın 12-də imzalanıb. Həmin ilin dekabrında Rusiya tərəfi Türkiyədə "Akkuyu Nüklear" ASC layihə şirkətini təsis etdi və bu şirkət uzunmüddətli müqavilə çərçivəsində stansiyanın layihələndirilməsi, tikintisi, xidməti, istismarı və istifadədən çıxarılması üzrə öhdəlikləri öz üzərinə götürdü. Türkiyədə "Akkuyu" AES-in tikintisi layihəsi BOO (tik - sahib ol - işlət, "build-own-operate") modelinə əsasən həyata keçirilən dünyada ilk atom elektrik stansiyası layihəsidir. O, 100 faiz Rusiya tərəfi tərəfindən maliyyələşdirilir. "Rosatom" layihədəki 49%-ə qədər payını digər investorlara satmaq hüququna malikdir. Atom elektrik stansiyası layihəsinə Rusiyanın "Təzyiqli su reaktoru-1200 nəsil "III+" reaktorları ilə dörd enerji bloku daxildir. Dörd reaktorun ümumi gücü 4800 MVt olacaq. İstifadəyə verildikdən sonra AES-in ildə, təxminən 35 milyard kilovatsaata yaxın elektrik enerjisi istehsal edəcəyi planlaşdırılır. "Akkuyu" AES Türkiyənin elektrik enerjisinə olan tələbatının 10%-ə qədərini ödəyəcək. Atom elektrik stansiyasının istifadə müddəti daha 20 il uzadılmaq imkanı ilə 60 ildir. "Akkuyu" AES-in birinci enerji blokunun tikintisinə 2018-ci ilin aprelində, ikincisinə 2020-ci ilin aprelində, üçüncüsünə 2021-ci ilin martında, dördüncüsünə isə 2022-ci ilin iyulunda başlanılıb.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2023

xəbərlər

ru_AZ

akkuyu atom elektrik stansiyası, türkiyə