https://sputnik.az/20230611/kecmis-mecburi-kockunlerin-fuzuli-ve-agdama-qaytarilacagi-vaxt-aciqlanib-455817418.html

Keçmiş məcburi köçkünlərin Füzuli və Ağdama qaytarılacağı vaxt açıqlanıb

Keçmiş məcburi köçkünlərin Füzuli və Ağdama qaytarılacağı vaxt açıqlanıb

Sputnik Azərbaycan

Ağdam şəhərində ərazi geniş olduğu və bu səbəbdən də böyük həcmdə infrastruktur quruculuğu aparıldığı üçün məskunlaş­manın gələn ilin sonunda başlanacağı... 11.06.2023, Sputnik Azərbaycan

2023-06-11T18:37+0400

2023-06-11T18:37+0400

2023-06-11T21:57+0400

qarabağ

emin hüseynov

ağdam

ağdam şəhəri

füzuli rayonu

füzuli

məcburi köçkünlər

https://cdnn1.img.sputnik.az/img/07e5/07/07/427413145_26:0:1030:565_1920x0_80_0_0_bfcae46133da452f5390125f1091a870.jpg

BAKI, 11 iyun - Sputnik. Keçmiş məcburi köçkünlərin Ağdama qaytarılacağı vaxt açıqlanıb."Report" xəbər verir ki, Azərbaycan Respublikası Prezidentinin Qarabağ üzrə xüsusi nümayəndəsi Emin Hüseynov “Xalq qəzeti”nə müsahibəsində bildirib ki, ilk növbədə, sosial şəraiti ağır olan, qəzalı vəziyyətdəki müvəqqəti məskunlaşma yerlərində yaşayan, eyni zamanda, tərkibində iş qabiliyyəti olan şəxslərə aid ailələrin məskunlaşmasına üstünlük verilir."Məsələn, Böyük Qayı­dış Proqramı çərçivəsində martın 16-da Tərtər rayonunun Talış kəndinə ilkin mər­hələdə bu cür şəraitdə yaşayan 20 məc­buri köçkün ailəsinin (90 nəfər) köçürül­məsi bunun bariz ifadəsidir", - E.Hüseynov deyib.Onun sözlərinə görə, hazırda Füzulidə 6 məhəllə inşa olu­nur:"38 binada tikinti-quraşdırma əməliy­yatları sürətlə aparılır. 800 ailənin həmin yaşayış sahəsinə ilin sonunadək köçürül­məsi nəzərdə tutulur. Bu proses iki mər­hələdə planlaşdırılır. Sentyabr ayına kimi reallaşacaq birinci mərhələdə 260 ailənin məskunlaşdırılması gözlənilir".E.Hüseynov qeyd edib ki, əsas məqsəd işğaldan azad olunmuş əra­zilərdə bərpa və reabilitasiya prosesinin ilk mərhələsində Füzuli və Ağdamda iki şəhər mərkəzinin və 32 kəndin yenidən qurulması, həmçinin Hadrut, Suqovuşan və Tuğda turizmin inkişafı istiqamətində nəzərdə tutulan layihələrin yüksək key­fiyyətlə, eyni zamanda nəzərdə tutulan vaxtda həyata keçirilməsidir.Xüsusi nümayəndə əlavə edib ki, Ağdam şəhərində ərazi geniş olduğu və bu səbəbdən də böyük həcmdə infrastruktur quruculuğu aparıldığı üçün məskunlaş­manın gələn ilin sonunda başlanacağı nəzərdə tutulur."Ümumiyyətlə, 2026-cı ilin sonunadək Ağdam şəhərinə 20 min keçmiş məcburi köçkünün qaytarılması planlaşdırılır", - E.Hüseynov əlavə edib.

2023

xəbərlər

ru_AZ

emin hüseynov, ağdam, ağdam şəhəri, füzuli rayonu, füzuli, məcburi köçkünlər