https://sputnik.az/20230602/bulvarda-skuterlerin-fealiyyeti-dayandirilib---resmi-aciqlama---foto-455531822.html
Bulvarda skuterlərin istifadəsinə qadağa qoyuldu - Rəsmi açıqlama - FOTO
Bulvarda skuterlərin istifadəsinə qadağa qoyuldu - Rəsmi açıqlama - FOTO
Sputnik Azərbaycan
"Vinks" və "J-RUN" şirkətləri vətəndaşlara fəaliyyətlərini dayandırdıqları barədə ismarıc göndəriblər. 02.06.2023, Sputnik Azərbaycan
2023-06-02T15:29+0400
2023-06-02T15:29+0400
2023-06-02T16:37+0400
paytaxt xəbərləri
skuter
bakı
bulvar
https://cdnn1.img.sputnik.az/img/07e5/0a/1a/434604537_0:320:3073:2048_1920x0_80_0_0_db3ccb887072823ae6b0a0da9e572a82.jpg
BAKI, 2 iyun — Sputnik. Bulvarda elektrik skuterlərinin fəaliyyəti dayandırılıb. Bu barədə vətəndaşlara "Vinks" və "J-RUN" şirkətləri ismarıc yollayır. "Vinks" şirkətindən vətəndaşlara göndərilən ismarıcda bildirilir: "J-RUN" şirkətinin mesajında isə belə qeyd edilir:Sputnik Azərbaycan məsələyə aydınlıq gətirmək üçün Bakı Şəhər Dövlət Yol Polisi İdarəsinin baş inspektoru polis mayoru Araz Əsgərli ilə əlaqə saxlayıb. A.Əsgərli Sputnik Azərbaycan-a açıqlamasında bildirib ki, yol polisi skuterlərə qarşı xüsusi reydlərə başlamayıb. Bu, yol polisinin gündəlik iş planına daxil olan xidmətdir.İdarə səlahiyyətlisi onu da bildirib ki, "Yol Hərəkəti Haqqında" qanunun 1-ci maddəsinin 26-cı bəndinin tələbinə əsasən skuterlər oxşar xüsusiyyətlərinə görə mopedlərə bərabər tutulur. Onların hərəkətinə dair tələblər həmin qanunun 46-cı maddəsində təsbit olunub:A.Əsgərli həmçinin bildirib ki, skuter idarə edərkən dəbilqə taxmamağa görə cərimənin məbləği 40 manatdır. Həmsöhbətimizin sözlərinə görə, İnzibati Xətalar Məcəlləsinin 338-ci maddəsində skuter idarə edərkən qaydaların pozulmasına görə, 20-100 manat arası cərimə nəzərdə tutulub.Yol Polisi rəsmisinin sözlərinə görə, moped və elektroskuter idarə edən şəxs spirtli içkinin təsiri altında olursa, buna görə 100 manat cərimə tətbiq edilir. O, qeyd edib ki, hər bir qayda pozuntusuna görə, cərimələr fərqlidir. A.Əsgərli həmçinin deyib ki, qanunla elektrik skuterlər 16-yaşdan aşağı uşaqlara verilməməlidir:Dənizkənarı Bulvar İdarəsindən isə məsələnin araşdırılacağını bildiriblər. Qurumun mətbuat xidmətinin rəhbəri Əfsanə Mehdiyeva Sputnik Azərbaycan-a açıqlamasında bildirib ki, skuterlərin bulvar ərazisində hərəkəti ilə bağlı çoxsaylı şikayətlər daxil olduğundan bu nəqliyyat vasitələrinin istifadəsinə dünəndən qadağa qoyulub:Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Sputnik Azərbaycan
media@sputniknews.com
+74956456601
MIA „Rosiya Segodnya“
2023
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
skuter, bakı, bulvar
Bulvarda skuterlərin istifadəsinə qadağa qoyuldu - Rəsmi açıqlama - FOTO
15:29 02.06.2023 (Yenilənib: 16:37 02.06.2023) "Vinks" və "J-RUN" şirkətləri vətəndaşlara fəaliyyətlərini dayandırdıqları barədə ismarıc göndəriblər.
BAKI, 2 iyun — Sputnik. Bulvarda elektrik skuterlərinin fəaliyyəti dayandırılıb. Bu barədə vətəndaşlara "Vinks" və "J-RUN" şirkətləri ismarıc yollayır. "Vinks" şirkətindən vətəndaşlara göndərilən ismarıcda bildirilir:
"Polis reydləri ilə əlaqədar olaraq, məsələnin həllinə qədər müvafiq olaraq skuterlərimizin fəaliyyətini dayandırırıq. Xidmətin bərpası barədə məlumat veriləcək".
"J-RUN" şirkətinin mesajında isə belə qeyd edilir:
" Hörmətli sitidafəçilər! J-RUN Scooter Sharing müvəqqəti olaraq fəaliyyətini dayandırıb. Bərpa haqqında sizə məlumat veriləcək".
Sputnik Azərbaycan məsələyə aydınlıq gətirmək üçün Bakı Şəhər Dövlət Yol Polisi İdarəsinin baş inspektoru polis mayoru Araz Əsgərli ilə əlaqə saxlayıb.
A.Əsgərli Sputnik Azərbaycan-a açıqlamasında bildirib ki, yol polisi skuterlərə qarşı xüsusi reydlərə başlamayıb. Bu, yol polisinin gündəlik iş planına daxil olan xidmətdir.
İdarə səlahiyyətlisi onu da bildirib ki, "Yol Hərəkəti Haqqında" qanunun 1-ci maddəsinin 26-cı bəndinin tələbinə əsasən skuterlər oxşar xüsusiyyətlərinə görə mopedlərə bərabər tutulur. Onların hərəkətinə dair tələblər həmin qanunun 46-cı maddəsində təsbit olunub:
"Yəni skuter idarə edən şəxslər də, skuteri idarə edərkən, mopedlərdə olduğu kimi, yolun sağ zolağı ilə, piyadalara, digər hərəkət iştirakçılarına mane olmadan öz marşrutları üzrə hərəkət edə bilərlər. Skuterlərin idarə edilməsi ilə bağlı ciddi problemlərdən biri odur ki, onu sürənlər başlarına dəbilqə geyinmirlər. Bundan əlavə, skuterlər yeni nəqliyyat vasitəsi olduğu üçün onu idarəedənlərin də peşəkarlığı aşağıdır. Yolda hərəkət edərkən piyada və avtomobillərə dəyirlər. Başlarında dəbilqə olmadığından travma alırlar. Biz həmin şəxslərə izah edirik ki, qanunda skuterlər mopedlərə bərabər hüquqlar verir. Skuteri əyləncə məqsədilə idarə edənlər bilməlidir ki, təhlükəsizlik əsas şərtdir".
A.Əsgərli həmçinin bildirib ki, skuter idarə edərkən dəbilqə taxmamağa görə cərimənin məbləği 40 manatdır. Həmsöhbətimizin sözlərinə görə, İnzibati Xətalar Məcəlləsinin 338-ci maddəsində skuter idarə edərkən qaydaların pozulmasına görə, 20-100 manat arası cərimə nəzərdə tutulub.
Yol Polisi rəsmisinin sözlərinə görə, moped və elektroskuter idarə edən şəxs spirtli içkinin təsiri altında olursa, buna görə 100 manat cərimə tətbiq edilir. O, qeyd edib ki, hər bir qayda pozuntusuna görə, cərimələr fərqlidir.
"Bulvarda, piyadalar üçün nəzərdə tutulan səkilərdə elektrik skuterlərinin idarə edilməsi qadağandır. Çünki elektrik skuterləri 40-50 kilometrə qədər sürət toplayır. Buna görə də haqlı şikayət ərizələri daxil olur ki, elektrik skuterlərini idarə edənlər bu nəqliyyat vasitələrini vətəndaşların üzərinə sürürlər", - deyə qurum səlahiyyətlidi bildirib.
A.Əsgərli həmçinin deyib ki, qanunla elektrik skuterlər 16-yaşdan aşağı uşaqlara verilməməlidir:
"On altı yaşdan yuxarı şəxslərə icarəyə verildikdə isə təhlükəsizlik təmin edilməlidir. Çox təəssüf ki, 10-12 yaşında uşaqlar da elektroskuterlər idarə edirlər".
Dənizkənarı Bulvar İdarəsindən isə məsələnin araşdırılacağını bildiriblər. Qurumun mətbuat xidmətinin rəhbəri Əfsanə Mehdiyeva Sputnik Azərbaycan-a açıqlamasında bildirib ki, skuterlərin bulvar ərazisində hərəkəti ilə bağlı çoxsaylı şikayətlər daxil olduğundan bu nəqliyyat vasitələrinin istifadəsinə dünəndən qadağa qoyulub:
"Bu qadağanın nə vaxt götürüləcəyi isə hələ məlum deyil".
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
