https://sputnik.az/20230412/rusiya-medeniyyet-telekanali-qafqaz-albaniyasi-ile-bagli-senedli-film-cekir-453706262.html
"Rusiya-Mədəniyyət" telekanalı Qafqaz Albaniyası ilə bağlı sənədli film çəkir
"Rusiya-Mədəniyyət" telekanalı Qafqaz Albaniyası ilə bağlı sənədli film çəkir
Sputnik Azərbaycan
Muzeydə "Rusiya-Mədəniyyət" telekanalının sifarişi ilə Qafqaz Albaniyası ilə bağlı kolleksiyalar barədə sənədli filmin çəkilişi aparılıb. 12.04.2023, Sputnik Azərbaycan
2023-04-12T16:57+0400
2023-04-12T16:57+0400
2023-04-12T16:58+0400
qafqaz albaniyası
milli azərbaycan tarix muzeyi
film
rusiya
mədəniyyət
telekanal
sənədli film
rusiya
https://cdnn1.img.sputnik.az/img/07e5/05/0f/426959479_0:0:1960:1103_1920x0_80_0_0_d2d099ef93687e7753912da80c85fccf.jpg
BAKI, 12 aprel — Sputnik. Milli Azərbaycan Tarixi Muzeyində Rusiya Federasiyasının "Россия-Культура" ("Rusiya-Mədəniyyət") dövlət maarifləndirici telekanalının sifarişi ilə yeni layihə çərçivəsində sənədli film çəkilişləri aparılıb.Milli Azərbaycan Tarixi Muzeyindən Sputnik Azərbaycan-a verilən məlumata görə, çəkiliş muzeyin Arxeologiya fondunda qorunan Qafqaz Albaniyası ilə bağlı kolleksiyaların mövzusuna həsr olunub.Çəkiliş zamanı Arxeologiya elmi fond şöbəsinin elmi işçisi, t.ü.f.d. Emin Məmmədov əsasən alban döyüşçüsünün silah-sursat toplusu, Mingəçevir arxeoloji kompleksindən xristianlığa aid tapıntılar (VI əsrə aid məbədin daş paytaxtı, şamdan və alban yazıları olan qablar, xaçlar) və digər artefaktlarla bağlı müsahibə verib. Çəkiliş bitdikdən sonra sözügedən sənədli filmin müəllifi və rejissoru Yevgeni Bezborodov muzey rəhbərliyinə öz minnətdarlığını bildirib. Sonda qonaqlar məşhur xeyriyyəçi H.Z.Tağıyevin ev-muzeyini ziyarət ediblər. Milli Azərbaycan Tarixi Muzeyindən o da bildirilib ki, hazırda filmin çəkilişləri Şəki-Qax bölgəsində davam edir. Filmdə həmin bölgələrdə yerləşən alban abidələrin tarixi ilə bağlı faktlar da yer alacaq. Qeyd edək ki, Qafqaz Albaniyası müasir Azərbaycan, Ermənistan və Gürcüstanın bir hissəsi, həmçinin Cənubi Dağıstan ərazilərində mövcud olmuş tarixi dövlətdir. Eramızdan əvvəl təqribən IV–III əsrlərdə Makedoniyalı İskəndərin imperiyası dağılmasından sonra formalaşmış dövlət eramızın VIII əsrində Ərəb xilafəti tərəfindən işğal edilib. Paytaxtı əvvəlcə Qəbələ, sonra isə Bərdə şəhərləri olub. Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Sputnik Azərbaycan
media@sputniknews.com
+74956456601
MIA „Rossiya Segodnya“
2023
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
qafqaz albaniyası, milli azərbaycan tarix muzeyi, film, rusiya, mədəniyyət, telekanal, sənədli film
qafqaz albaniyası, milli azərbaycan tarix muzeyi, film, rusiya, mədəniyyət, telekanal, sənədli film
"Rusiya-Mədəniyyət" telekanalı Qafqaz Albaniyası ilə bağlı sənədli film çəkir
16:57 12.04.2023 (Yenilənib: 16:58 12.04.2023) Eksklüziv
Muzeydə "Rusiya-Mədəniyyət" telekanalının sifarişi ilə Qafqaz Albaniyası ilə bağlı kolleksiyalar barədə sənədli filmin çəkilişi aparılıb.
BAKI, 12 aprel — Sputnik. Milli Azərbaycan Tarixi Muzeyində Rusiya Federasiyasının "Россия-Культура" ("Rusiya-Mədəniyyət") dövlət maarifləndirici telekanalının sifarişi ilə yeni layihə çərçivəsində sənədli film çəkilişləri aparılıb.
Milli Azərbaycan Tarixi Muzeyindən Sputnik Azərbaycan-a verilən məlumata görə, çəkiliş muzeyin Arxeologiya fondunda qorunan Qafqaz Albaniyası ilə bağlı kolleksiyaların mövzusuna həsr olunub.
Çəkiliş zamanı Arxeologiya elmi fond şöbəsinin elmi işçisi, t.ü.f.d. Emin Məmmədov əsasən alban döyüşçüsünün silah-sursat toplusu, Mingəçevir arxeoloji kompleksindən xristianlığa aid tapıntılar (VI əsrə aid məbədin daş paytaxtı, şamdan və alban yazıları olan qablar, xaçlar) və digər artefaktlarla bağlı müsahibə verib.
Çəkiliş bitdikdən sonra sözügedən sənədli filmin müəllifi və rejissoru Yevgeni Bezborodov muzey rəhbərliyinə öz minnətdarlığını bildirib. Sonda qonaqlar məşhur xeyriyyəçi H.Z.Tağıyevin ev-muzeyini ziyarət ediblər.
Milli Azərbaycan Tarixi Muzeyindən o da bildirilib ki, hazırda filmin çəkilişləri Şəki-Qax bölgəsində davam edir. Filmdə həmin bölgələrdə yerləşən alban abidələrin tarixi ilə bağlı faktlar da yer alacaq.
Qeyd edək ki, Qafqaz Albaniyası müasir Azərbaycan, Ermənistan və Gürcüstanın bir hissəsi, həmçinin Cənubi Dağıstan ərazilərində mövcud olmuş tarixi dövlətdir. Eramızdan əvvəl təqribən IV–III əsrlərdə Makedoniyalı İskəndərin imperiyası dağılmasından sonra formalaşmış dövlət eramızın VIII əsrində Ərəb xilafəti tərəfindən işğal edilib. Paytaxtı əvvəlcə Qəbələ, sonra isə Bərdə şəhərləri olub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
