Вид на Flame Towers в Баку, фото из архива - Sputnik Azərbaycan, 1920
PAYTAXT XƏBƏRLƏRİ
Bakının bütün vacib xəbərləri ilə buradan tanış ola bilərsiniz

Bakının 370 küçəsi yuyulub

© Photo : © Photo: Baku City Executive PowerBakıda küçələrin yuyulması, arxiv şəkli
Bakıda küçələrin yuyulması, arxiv şəkli - Sputnik Azərbaycan, 1920, 04.03.2023
Abunə olmaq
Şəhər İcra Hakimiyyəti qurumlarının əməkdaşlarının iştirakı ilə səhər saatlarından başlanan tədbir paytaxtın bütün rayonlarını əhatə edib.
BAKI, 4 mart - Sputnik. Bu gün Bakı Şəhər İcra Hakimiyyətinin qərarına uyğun olaraq “Novruz bayramını təmiz şəhərlə qarşılayaq” devizi ilə paytaxt Bakıda təmizlik və abadlıqla bağlı geniş ümumşəhər iməciliyi keçirilib.
Bakı Şəhər İcra Hakimiyyətinin mətbuat xidmətindən Azərtac-a verilən məlumata görə, səhər saatlarından etibarən Bakı Şəhər İcra Hakimiyyətinin kommunal təsərrüfat xidmətlərinin texnikası tərəfindən şəhərin 370 əsas küçə və prospektlərin yuyucu maddələrlə yuyulması təmin edilib, eyni zamanda, genişmiqyaslı təmizlik və abadlıq işləri həyata keçirilib.
Daxili iməcilikdə Bakı Şəhər İcra Hakimiyyətinin strukturları ilə yanaşı, müəssisə, idarə və təşkilatların kollektivləri, fərdi sahibkarlar və özəl sektor nümayəndələri, şəhər sakinləri də yaxından iştirak ediblər.
Paytaxtın bütün rayonlarını əhatə edən belə iməciliklər mütəmadi olaraq davam etdiriləcək və bu işlər öz növbəsində Bakı şəhərinin daha da gözəlləşdirilməsinə, əziz Novruz bayramını xoş əhvali-ruhiyyə ilə qarşılanmasına böyük töhfə olacaq.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0