https://sputnik.az/20230215/bakida-yangin-tehlukesine-gore-daha-bir-restoranin-fealiyyeti-dayandirilib---vdeo-451788144.html

Bakıda yanğın təhlükəsinə görə daha bir restoranın fəaliyyəti dayandırılıb - VİDEO

Bakıda yanğın təhlükəsinə görə daha bir restoranın fəaliyyəti dayandırılıb - VİDEO

Sputnik Azərbaycan

Mövcud vəziyyət onu göstərir ki, obyektin istismarının davam etdirilməsi nəticəsində orada hər an baş verə biləcək yanğın qısa müddətdə genişlənərək faciəni... 15.02.2023, Sputnik Azərbaycan

2023-02-15T15:13+0400

2023-02-15T15:13+0400

2023-02-15T15:13+0400

fhn

paytaxt xəbərləri

yanğın təhlükəsizliyi

https://cdnn1.img.sputnik.az/img/07e6/0c/14/449833283_0:4:872:495_1920x0_80_0_0_afcc2ba1f702affddbb68274537e80a0.jpg

BAKI, 15 fevral — Sputnik. Dövlət Yanğın Nəzarəti Xidməti tərəfindən Bakı şəhəri, Nəsimi rayonu, Rəşid Məmmədov küçəsi, 27 ünvanında yerləşən "Möhtəşəm Məkan" restoranında keçirilmiş yoxlama zamanı yanğın təhlükəsizliyi sahəsində çoxsaylı nöqsanların mövcud olduğu, həmin nöqsanların insan həyatı və ya sağlamlığına, ətraf mühitə və dövlətin əmlak maraqlarına birbaşa təhlükə yaratdığı müəyyən edilib. Belə ki: - obyektdə qaz təsərrüfatından qeyri-qanuni istifadəyə yol verilib; - qaz istismarına dair müvafiq sənədlər təqdim edilməyib; - obyektdə avtomatik yanğınxəbərverici siqnalizasiya qurğuları tam quraşdırılmayıb və həmin qurğuların texniki sazlığının yoxlanımasi ilə bağlı test aparılmayıb; - elektrik təchizatı və elektrik qurğuları "Elektrik Qurğularının Quraşdırılması Qaydaları"nın tələblərinə uyğun quraşdırılmayıb; - anbar otaqları yanğın təhlükəsizliyinin tələblərinə uyğun saxlanılmayıb; - obyekt odsöndürən balonlarla təmin olunmayıb; - obyektdə təxliyə planı mövcud deyil. Beləliklə, mövcud vəziyyət onu göstərir ki, obyektin istismarının davam etdirilməsi nəticəsində orada hər an baş verə biləcək yanğın qısa müddətdə genişlənərək faciəni qaçılmaz edəcək. Qeyd olunanları nəzərə alaraq, yanğın təhlükəsizliyi norma və qaydalarının tələblərinin kobud pozulması faktları aşkar edilmiş Bakı şəhəri, Nəsimi rayonu, Rəşid Məmmədov küçəsi, ev 27 ünvanında yerləşən "Möhtəşəm Məkan" ailəvi restoranının fəaliyyətinin dayandırılması barədə qərar qəbul olunub və qərarın bir nüsxəsi obyektin nümayəndəsinə təqdim edilib. Fövqəladə Hallar Nazirliyinin Dövlət Yanğın Nəzarəti Xidməti səlahiyyətlərinə uyğun olaraq, ölkə ərazisində yanğın təhlükəsizliyinin təmin edilməsi məqsədilə zəruri tədbirlərin görülməsini davam etdirir. Xatırladaq ki, ötən ay daha bir yanğın təhlükəli obyektin fəaliyyəti dayandırılıb. Fövqəladə Hallar Nazirliyindən bildirilib ki, Dövlət Yanğın Nəzarəti Xidməti tərəfindən Bakı şəhəri, Səbail rayonu, Mərdanov qardaşları küçəsi, 3A ünvanında yerləşən "Təndir-Məndir" restoranında keçirilmiş yoxlama zamanı yanğın təhlükəsizliyi sahəsində çoxsaylı nöqsanların mövcud olduğu, həmin nöqsanların insan həyatı və ya sağlamlığına, ətraf mühitə və dövlətin əmlak maraqlarına birbaşa təhlükə yaratdığı müəyyən edilib. Belə ki: - obyektin istismarı Dövlət Yanğın Nəzarəti Xidməti ilə razılaşdırılmayıb; - obyektdə avtomatik yanğınxəbərverici siqnalizasiya qurğuları quraşdırılmayıb; - yanğın və ya digər fövqəladə hadisələr zamanı insanların köçürülməsi üçün ehtiyat təxliyə yolu nəzərdə tutulmayıb, habelə obyekt insanların köçürülməsinə (təxliyə olunmasına) kömək edən qurğularla təmin olunmayıb; - elektrik təchizatı və elektrik qurğuları müvafiq qaydaların və normativ sənədlərin tələblərinə uyğun quraşdırılmayıb, o cümlədən yanğın təhlükəsi törədən keçirici müqavimətin əmələ gəlməməsi üçün kabel və naqillərin birləşmə sahələri və sonluqları xüsusi sıxaclarla və ya qaynaq yolu ilə bərkidilməyib, obyektin daxilinə çəkilmiş elektrik xətlərinin izolyasiyasının gərginliyə qarşı müqaviməti yoxlanılmayıb; - obyektdə yanğın təhlükəsizliyinin təmin edilməsi üçün əmrlə (təlimat) yanğına qarşı rejim müəyyənləşdirilməyib. Beləliklə, mövcud vəziyyət onu göstərir ki, obyektin istismarının davam etdirilməsi nəticəsində orada hər an baş verə biləcək yanğın qısa müddətdə genişlənərək faciəni qaçılmaz edəcək. Qeyd olunanları nəzərə alaraq, yanğın təhlükəsizliyi norma və qaydalarının tələblərinin pozulması faktları aşkar edilmiş Bakı şəhəri, Səbail rayonu, Mərdanov qardaşları küçəsi, 3A ünvanında yerləşən "Təndir-Məndir" restoranının fəaliyyətinin dayandırılması barədə qərar qəbul olunub və qərarın bir nüsxəsi obyektin nümayəndəsinə təqdim edilib.

2023

xəbərlər

ru_AZ

fhn, yanğın təhlükəsizliyi