Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Lavrov: İranın Türkiyə ilə Suriya arasında təmaslara qoşulması üçün razılaşma var

© Sputnik / Press service of the Ministry of Foreign Affairs of the Russian Federation / Mediabanka keçidRusiyanın xarici işlər naziri Sergey Lavrov
Rusiyanın xarici işlər naziri Sergey Lavrov - Sputnik Azərbaycan, 1920, 31.01.2023
Abunə olmaq
Rusiyanın xarici işlər naziri bildirib ki, Türkiyə ilə Suriya arasında təmasların Rusiya və İran tərəfindən müşayiət olunmasını tamamilə məntiqli hesab edir.
BAKI, 31 yanvar — Sputnik. Rusiyanın xarici işlər naziri Sergey Lavrov Türkiyə-Suriya münasibətlərinin normallaşması prosesində Rusiya və İranın iştirakını məntiqli hesab edir.
"Biz Türkiyə prezidentinin Suriya prezidenti ilə münasibətlərin normallaşdırılmasında və ümumiyyətlə, iki ölkə arasında münasibətlərin normallaşmasını dəstəkləyirik. Təbii ki, İranın da bu işə cəlb olunması ilə bağlı prinsipial razılıq var", - Lavrov deyib. O xatırladıb ki, Rusiya, İran və Türkiyə "Astana üçlüyü"nə daxildir.
"Türkiyə ilə Suriya arasında təmasların Rusiya və İran tərəfindən müşayiət olunmasını tamamilə məntiqli hesab edirəm. Konkret görüşlərə gəlincə, tarixlər üzərində iş gedir", - Rusiya XİN rəhbəri vurğulayıb.
Bundan əvvəl Türkiyə Prezidenti Rəcəb Tayyib Ərdoğan Moskvanın da iştirak etdiyi Ankara ilə Dəməşq arasında münasibətlərin normallaşdırılmasına dair danışıqlarda Tehranın iştirakını açıqlayıb.
Ötən il dekabrın sonunda Rusiya Müdafiə Nazirliyi Rusiyanın paytaxtında Rusiya, Suriya və Türkiyənin müdafiə nazirləri arasında Suriya böhranının həlli yolları, Suriyada ekstremist qruplarla mübarizə üçün birgə səylər, qaçqınlar probleminin müzakirə edildiyi danışıqlar barədə məlumat yayıb. Görüşün nəticəsi olaraq, tərəflər bu formatda keçirilən dialoqun konstruktiv xarakterini və Suriyada və regionda vəziyyətin daha da sabitləşdirilməsi maraqları naminə davam etdirilməsinin zəruriliyini qeyd ediblər.
Hazırkı mərhələdə xarici işlər nazirlərinin, daha sonra isə Türkiyə və Suriya liderlərinin görüşünün təşkilinin mümkünlüyü müzakirə edilir.
Xəbər lenti
0