Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Peskov Consonun iddialarını təkzib etdi

© Sputnik / Сергей ГунеевRusiya prezidentinin mətbuat katibi Dmitri Peskov
Rusiya prezidentinin mətbuat katibi Dmitri Peskov  - Sputnik Azərbaycan, 1920, 30.01.2023
Abunə olmaq
Rusiya prezidentinin mətbuat katibi bildirib ki, əslində Conson prezident Putinin onunla nə danışdığını başa düşməyib.
BAKI, 30 yanvar — Sputnik. Rusiya prezidentinin mətbuat katibi Dmitri Peskov Böyük Britaniyanın keçmiş Baş naziri Boris Consonun Rusiya lideri Vladimir Putinin raket zərbəsi hədəsi ilə bağlı iddialarını təkzib edib.
Bundan əvvəl Conson Putinlə Rusiyanın Ukraynada xüsusi hərbi əməliyyatının başlamasına az qalmış söhbətinin təfərrüatlarını açıqlayıb.
O, Putinə hərbi əməliyyatların baş verəcəyi təqdirdə sanksiyaların tətbiqi ilə bağlı xəbərdarlıq etdiyini, həmçinin Fransa və Almaniyanın yaxın gələcəkdə Ukraynanın NATO-ya üzv olmasına imkan verməyəcəyinə əmin olduğunu bildirib. Keçmiş baş nazir onu da deyib ki, söhbətdə Putin guya onu raket hücumu ilə hədələyib.

"Xeyr, cənab Consonun dedikləri doğru deyil, daha doğrusu, yalandır. Üstəlik, deyim ki, bu ya şüurlu yalandır, onda sual ondan ibarətdir ki, o, hansı məqsədlə bunu seçib. Əslində o, prezident Putinin onunla nə danışdığını başa düşməyib. Sonra bu, bizim prezidentimizin həmsöhbətləri üçün bir az narahat olur", - Peskov jurnalistlərin sualını cavablandırarkən deyib.

O, həmçinin qeyd edib ki, o, Putinlə Conson arasında söhbətin nədən getdiyini bilir.
"Mən bu söhbət zamanı nələrin müzakirə olunduğunu bilirəm və bir daha rəsmi şəkildə təkrar edirəm: bu yalandır. Raket zərbələri təhlükəsi olmayıb. Rusiya Federasiyasının təhlükəsizliyi üçün çağırışlardan danışan prezident Putin qeyd edib ki, Ukrayna NATO-ya daxil olarsa, ABŞ raketlərinin bizim sərhədlərimizdə potensial yerləşdirilməsi onların bir neçə dəqiqə ərzində Moskvaya çatacağı anlamına gələcək", - deyə Peskov qeyd edib.
Xəbər lenti
0