Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Rusiyalı mütəxəssis qadın şahmatçılardan ibarət Azərbaycan yığmasına hazırlıq keçəcək

© Sputnik / Murad OrujovŞahmat
Şahmat - Sputnik Azərbaycan, 1920, 18.01.2023
Abunə olmaq
Dünyanın tanınmış şahmatçılarından olan Y.Tomaşevski iki dəfə Rusiya çempionatında qızıl medal qazanıb.
BAKI, 18 yanvar — Sputnik. Avropa çempionu, komandaların yarışında dünya çempionatının qalibi, tanınmış şahmatçı Yevgeni Tomaşevski bir müddət ölkəmizdə fəaliyyət göstərəcək.
Azərbaycan Şahmat Federasiyasının məlumatına görə, rusiyalı mütəxəssis yeniyetmə və gənc şahmatçılar, o cümlədən qadınlardan ibarət Azərbaycan yığmasının hazırlığı ilə məşğul olacaq.
© Sputnik / Владимир Федоренко / Mediabanka keçidTanınmış şahmatçı Yevgeni Tomaşevski
Шахматы. Гран-при Москвы. Первый день - Sputnik Azərbaycan, 1920, 18.01.2023
Tanınmış şahmatçı Yevgeni Tomaşevski
Federasiya yeniyetmə və gənclərin, eyni zamanda qadınlardan ibarət yığmanın hazırlıq səviyyəsini artırmaq məqsədilə Y.Tomaşevskinin təlim-məşq toplanışına cəlb olunması barədə qərar qəbul edib.
Şahmatçıların hazırlığı fərdi inkişafa uyğun xüsusi proqramla keçiriləcək.
Qeyd edək ki, dünyanın tanınmış şahmatçılarından olan Y.Tomaşevski iki dəfə Rusiya çempionatında qızıl medal qazanıb. Bununla yanaşı, o, Saratov klubunun heyətində iki dəfə Avropa kuboku yarışının qalibi olub. Hazırda şahmatçı 2694 xal ilə FİDE reytinqində 44-cü pillədə qərarlaşıb.
Xəbər lenti
0