Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Rusiya Laçın dəhlizində kommunikasiyanın tezliklə bərpasına ümid edir

© AFP 2023 / DON EMMERTBMT Təhlükəsizlik Şurasının iclası, arxiv şəkli
BMT Təhlükəsizlik Şurasının iclası, arxiv şəkli - Sputnik Azərbaycan, 1920, 21.12.2022
Abunə olmaq
Onun sözlərinə görə, bu bəyanatı imzalayarkən tərəflər üzərinə ciddi şəkildə riayət edilməli olan müvafiq öhdəliklər götürüb. Orada qeyd olunub ki, mülki əhalinin həyatı üçün heç bir problemin yaranmaması vacibdir.
BAKI, 21 dekabr — Sputnik. Rusiya Laçın dəhlizində nəqliyyat əlaqələrinin tezliklə bərpasına ümid edir. Bunu Rusiya Federasiyasının təşkilatdakı nümayəndəsinin müavini Anna Yevstiqneyeva BMT Təhlükəsizlik Şurasının iclasında bildirib.
"Laçın dəhlizi Qarabağ və Ermənistan arasında əlaqəni təmin edir. Rusiya, Azərbaycan və Ermənistan liderlərinin 9 noyabr 2020-ci il tarixli bəyanatına əsasən, Laçın dəhlizi qarant olaraq qalan Rusiya sülhməramlı kontingentinin nəzarəti altındadır", - Yevstiqneyeva bildirib.
Onun sözlərinə görə, bu bəyanatı imzalayarkən tərəflər üzərinə ciddi şəkildə riayət edilməli olan müvafiq öhdəliklər götürüb. Orada qeyd olunub ki, mülki əhalinin həyatı üçün heç bir problemin yaranmaması vacibdir.
"Biz yaxın gələcəkdə tam hüquqlu nəqliyyat əlaqəsinin bərpasına ümid edirik", - deyə o vurğulayıb.
Evstiqneyevanın sözlərinə görə, Moskva Azərbaycan və Ermənistanı təmkin nümayiş etdirməyə və gərginliyin dərəcəsini artıra biləcək addımlardan çəkinməyə, habelə Rusiya, Azərbaycan və Ermənistan liderlərinin 9 noyabr 2020-ci il, 11 yanvar və 26 noyabr 2021-ci il, həmçinin 31 oktyabr 2022-ci il tarixli üçtərəfli bəyanatları çərçivəsində razılaşmalara əməl etməyə çağırır.
"Biz əminik ki, bu bəyanatların müddəalarının tam yerinə yetirilməsi Bakı ilə İrəvan arasında münasibətlərin normallaşması üçün ən sabit düsturdur. Dörd sənədin hamısı kompleks xarater daşıyır, möhkəm şəkildə bir-birinə bağlıdır və onların müddəaları bir-birindən irəli gəlir. Onların icrası Cənubi Qafqazda təkcə region dövlətlərinin deyil, həm də bütün qonşuların maraqlarına cavab verən davamlı sülhün formalaşması üçün şərait yaradacaq", - Yevstiqneyeva bildirib.
Xəbər lenti
0