Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Aİ ölkələri Rusiyaya qarşı sanksiyalarla bağlı razılığa gələ bilmir

© AP Photo / Virginia MayoAİ bayrağı, arxiv şəkli
Aİ bayrağı, arxiv şəkli - Sputnik Azərbaycan, 1920, 15.12.2022
Abunə olmaq
Dekabrın 12-də ittifaq ölkələrinin xarici işlər nazirlərinin görüşündə yeni sanksiyalar paketinin təsdiqlənəcəyi gözlənsə də, bir sıra məsələlərdə davam edən fikir ayrılıqları səbəbindən yeni sanksiyalar razılaşdırılmayıb.
BAKI, 15 dekabr — Sputnik. Aİ ölkələri yenidən Rusiyaya qarşı doqquzuncu sanksiyalar paketi ilə bağlı razılığa gələ bilməyiblər. Bu barədə “Reuters” yazır və qeyd edir ki, Polşa və bir sıra digər Avropa ölkələrinin hələ də etirazları var.
Litva prezidenti Qitanas Nauseda deyib ki, o, bir sıra Aİ ölkələrinin “ərzaq təhlükəsizliyi bəhanəsi ilə” Rusiyaya qarşı sanksiyaları yumşaltmaq “cəhdlərindən” narahatdır.
Dekabrın 12-də ittifaq ölkələrinin xarici işlər nazirlərinin görüşündə yeni sanksiyalar paketinin təsdiqlənəcəyi gözlənsə də, bir sıra məsələlərdə davam edən fikir ayrılıqları səbəbindən yeni sanksiyalar razılaşdırılmayıb. İndi Aİ birlik ölkələrinin dekabrın 15-16-da keçiriləcək sammitinə qədər razılığa gəlməyə çalışır.
Xatırladaq ki, dekabrın 7-də Avropa Komissiyası Rusiyaya qarşı yeni sanksiyalar paketi ilə bağlı təkliflər təqdim etmişdi. Sanksiyalar Rusiya Federasiyasının energetika sektoruna qarşı əlavə tədbirləri, o cümlədən mədənçıxarma sənayesinə sərmayə qoyuluşunu, Rusiyaya dronların ixracına qadağa qoymağı, o cümlədən, xüsusilə ikili təyinatlı mallar üçün ixrac məhdudiyyətlərinin genişləndirilməsini nəzərdə tutur.
Fiziki şəxslər və təşkilatlar da daxil olmaqla 200-ə yaxın şəxsə qarşı şəxsi sanksiyaların tətbiqi planlaşdırılır. Söhbət hərbçilərdən, hərbi sənaye kompleksinin müəssisələrindən, Dövlət Dumasının və Federasiya Şurasının üzvlərindən, nazirlərdən, siyasi partiyalardan, regionların rəhbərlərindən gedir. Gözlənilir ki, dörd telekanal və üç bank, o cümlədən Ümumrusiya Regional İnkişaf Bankı məhdudiyyətlər altına düşəcək.
Aİ Ukraynaya görə Rusiyaya qarşı sanksiya təzyiqini artırıb və artıq ardıcıl olaraq həm fiziki şəxslər, həm də iqtisadi məhdudlaşdırıcı tədbirləri əhatə edən səkkiz sanksiya paketi tətbiq edib.
Xəbər lenti
0