Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Azərbaycan-Ermənistan sülh müqaviləsinin imzalanmasına töhfə vermək niyyətindəyik - Lavrov

© Sputnik / Press service of the Ministry of Foreign Affairs of the Russian FederationSerqey Lavrov
Serqey Lavrov - Sputnik Azərbaycan, 1920, 05.12.2022
Abunə olmaq
Rusiya XİN rəhbəri vurğulayıb ki, bugünkü görüşün əsas mövzusu Azərbaycan, Rusiya və Ermənistan liderləri arasında 2020-ci ilin noyabr, 2021-ci ilin yanvar və noyabr aylarında və bu ilin oktyabrında Soçi görüşü zamanı imzalanmış üçtərəfli bəyanatların icrasıdır.
BAKI, 5 dekabr — Sputnik. Rusiya Azərbaycan ilə Ermənistan arasında nəqliyyat əlaqələrinin açılmasına, sərhədin delimitasiyasına və sülh müqaviləsinin imzalanmasına yardım etmək niyyətindədir. Bunu Rusiyanın xarici işlər naziri Sergey Lavrov Moskvada azərbaycanlı həmkarı Ceyhun Bayramov ilə görüşündə deyib.
"Biz həm nəqliyyat əlaqələrinin açılmasına, həm sərhədin delimitasiyasına, həm sülh müqaviləsinin bağlanmasına və ümumilikdə, ictimai strukturlar, politoloqlar və parlamentarilər arasında əlaqələrin inkişaf etdirilməsi yolu ilə etimad tədbirlərinin gücləndirilməsinə hərtərəfli töhfə verməkdə maraqlıyıq", - deyə o bildirib.
Lavrov söyləyib ki, bugünkü görüşün əsas mövzusu Azərbaycan, Rusiya və Ermənistan liderləri arasında 2020-ci ilin noyabr, həmçinin 2021-ci ilin yanvar və noyabr aylarında və bu ilin oktyabrında Soçi görüşü zamanı imzalanmış üçtərəfli bəyanatların icrası olacaq.
"Gündəlikdə duran digər məsələlər regional əməkdaşlıq, Xəzərətrafı dinamika, ATƏT, MDB və digər proseslərlə bağlıdır", - Rusiya XİN rəhbəri əlavə edib.
Qeyd edək ki, Rusiya XİN-in 4 dekabr tarixində C.Bayramovun işgüzar səfəri ilə bağlı yaydığı məlumatda bildirilib ki, XİN başçılarının görüşündə ikitərəfli əməkdaşlığın vəziyyəti və perspektivlərinin müzakirəsi, həmçinin regional və beynəlxalq gündəliyin ən aktual aspektləri, o cümlədən Azərbaycan-Ermənistan münasibətlərinin normallaşdırılması məsələləri üzrə fikir mübadiləsinin aparılması planlaşdırılır.
Xəbər lenti
0