Ukrayna ilə sərhədə yaxın magistralda Rusiya hərbi texnikası koloniyası - Sputnik Azərbaycan, 1920, 28.02.2022
RF-in Donbasın müdafiəsi üzrə xüsusi əməliyyatı
Rusiya Prezidenti Vladimir Putin 2022-ci il fevralın 24-də rusiyalılara müraciətdə "Donbasda xüsusi əməliyyat keçirilməsi" barədə qərar qəbul etdiyini bildirib.

Rusiya ordusu Donetskdə hücuma keçib

© SputnikRusiya ordusu, arxiv şəkli
Rusiya ordusu, arxiv şəkli - Sputnik Azərbaycan, 1920, 23.11.2022
Abunə olmaq
Rusiya Müdafiə Nazirliyi bildirib ki, Ukrayna Silahlı Qüvvələrinin təxribat-kəşfiyyat qrupu Zaporojye vilayətinin Novodarovka qəsəbəsi yaxınlığında məhv edilib.
BAKI, 23 noyabr — Sputnik. Rusiya ordusu Donetsk istiqamətində hücuma keçib, Uqledar bölgəsində Ukrayna qoşunlarına zərbələr endirib. Bu barədə Rusiya Müdafiə Nazirliyinin rəsmi nümayəndəsi İqor Konaşenkov bildirib.
"Donetsk istiqamətində Rusiya qoşunlarının bölmələri hücum əməliyyatlarını davam etdirib", - deyə Konaşenkov çərşənbə günü keçirdiyi brifinqdə bildirib və qeyd edib ki, bu istiqamətdə Ukrayna ordusunun gün ərzində itkiləri 60-dan çox hərbçi və beş zirehli döyüş maşını olub.
"Bundan əlavə, qabaqlayıcı atəş hücumu nəticəsində Uqledar qəsəbəsindən çıxan düşmənin ehtiyat hissələri darmadağın edilib", - Müdafiə Nazirliyinin sözçüsü bildirib.
"Ukrayna Silahlı Qüvvələrinin təxribat-kəşfiyyat qrupu Zaporojye vilayətinin Novodarovka qəsəbəsi yaxınlığında məhv edilib", - Konaşenkov bildirib.
Onun sözlərinə görə, gün ərzində bu istiqamətdə Ukrayna ordusunun itkiləri 40-dan çox ölü və yaralı, üç zirehli maşın və dörd pikap olub.
Ukraynada nə baş verir?
Xatırladaq ki, Rusiya fevralın 24-də Ukraynada xüsusi hərbi əməliyyata başlayıb.
Prezident Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Bunun üçün, onun sözlərinə görə, "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.
Əməliyyatın keçirilməsi qərarı ABŞ və müttəfiqlərinin Rusiyaya qarşı yeni sanksiyalarının səbəbi olub.
Bundan əvvəl məlum olub ki, Ağ Ev hesab edir ki, Moskva ilə danışıqlara başlamaq barədə Kiyev özü qərar verməlidir.
Xəbər lenti
0