https://sputnik.az/20221030/cetin-amma-maraqli-idi---azerbaycanda-cografi-imla-adli-bilik-yarisi-kecirilib-448049890.html

"Çətin, amma maraqlı idi" - Azərbaycanda “Coğrafi imla” adlı bilik yarışı keçirilib

"Çətin, amma maraqlı idi" - Azərbaycanda “Coğrafi imla” adlı bilik yarışı keçirilib

Sputnik Azərbaycan

İmtahanın əsas hissəsi Rusiyanın coğrafiyasına, rəssamlıq, musiqi, ədəbiyyat və xalq yaradıcılığına aid suallardan ibarət olub. 30.10.2022, Sputnik Azərbaycan

2022-10-30T22:10+0400

2022-10-30T22:10+0400

2022-10-30T22:10+0400

paytaxt xəbərləri

rusiya

https://cdnn1.img.sputnik.az/img/07e6/0a/1e/448038273_0:120:1280:840_1920x0_80_0_0_8d4fc9b1cbd725246e8d96355212841e.jpg

BAKI, 30 oktyabr - Sputnik. Bakıdakı Rus Evində "Mənim torpağım. Mənim ölkəm. Mənim kəşflərim" mövzusunda VIII Beynəlxalq "Coğrafi imla" maarifləndirici aksiyası keçirilib. Aksiyaya müxtəlif yaş qruplarından olan 65 nəfər qatılıb. Bu layihə 2015-ci ildən etibarən hər il Cəmiyyətin Qəyyumlar Şurasının sədri, Rusiya Federasiyasının Prezidenti Vladimir Putinin təşəbbüsü ilə Rusiya Coğrafiya Cəmiyyəti tərəfindən həyata keçirilir. Onun əsas məqsədi coğrafi bilikləri populyarlaşdırmaq və Rusiya coğrafiyasına marağı artırmaqdır. Bu aksiya Azərbaycanda 2017-ci ildən keçirilir və hər il iştirakçıların sayı artır.45 dəqiqə ərzində 40 sual Əsas hissə Rusiyanın coğrafiyasına, rəssamlıq, musiqi, ədəbiyyat və xalq yaradıcılığına aid suallardan ibarət olub. Onlar iki bloka bölünüblər: birinci hissə on sualdan - coğrafiyadan məlum faktlara əsaslanan "coğrafi təhsil proqramı"ndan, ikincisi isə 30 sualdan ibarət olub. Onların həlli üçün iştirakçılar təxəyyüldən, məntiqi təfəkkürdən və erudisiyadan istifadə etməli idilər.Onlara cavab vermək üçün 45 dəqiqə vaxt verilib. Aparıcı imla müəllimi Svetlana Şevelevanın Sputnik Azərbaycan-a verdiyi məlumata görə, bu il sualları təkcə peşəkar müəllimlər deyil, həm də ümumrespublika müsabiqəsinin iştirakçıları hazırlayıblar. Sual müəlliflərindən ən kiçiyinin yeddi, ən böyüyünün isə 75 yaşı var."Hər il biz iştirak etmək istəyənlər üçün sürpriz hazırlayırıq. İmlanın tapşırıqlarını məşhur insanlara etibar edirik. Bu il biz bu missiyanı Rusiyanın əməkdar artisti Maksim Averinin, amerikalı aktyor, prodüser Stiven Siqalın, Rusiyanın xalq artisti Valeriyanın çiyninə qoyduq. Bəziləri Yandex-in köməkçisi Alisanın virtual səsi ilə səsləndirilib”, - Şeveleva bildirib. Sualların mürəkkəbliyindən danışarkən, Şeveleva deyib ki, onların arasında həm asan, həm də çox çətinləri olub. Şeveleva əmindir ki, iştirakçılar test tapşırıqlarının əksəriyyətinə cavab verə biləcəklər.“İmla onlarda oxumağa, biliklərini təkmilləşdirməyə, dünyagörüşünü genişləndirməyə, özünü inkişaf etdirməyə stimul verəcək”, - deyə müəllim əlavə edib.İştirakçı rəyi Rüstəm Hüseynov imla üçün əvvəlcədən hazırlaşmayıb. Sadəcə olaraq, biliyini yoxlamaq qərarına gəlib və bir çox testlərin cavablarını bildiyinə görə şaddır. Onun üçün ən çətini XVIII əsr ədəbiyyatına aid suallar idi."Bu layihədə iştirak etmək imkanı yaratdığı üçün təşkilatçılara təşəkkür edirəm. Mənim üçün bir az çətin oldu, çünki məktəbi çoxdan bitirmişəm və çox şeyi unutmuşam. Düşünürəm ki, hər bir inkişaf etmiş şagird sualların əksəriyyətinə cavab verə bilər. Çünki onlar o qədər də çətin deyil. Mən özüm də bütün tapşırıqları sırf məntiqlə cavablandırmışam”, - deyə azərbaycanlı iştirakçı Hüseynov Sputnik-ə bildirib.Tarix və coğrafiya 27 saylı məktəbin on birinci sinif şagirdi Angelina Terexinanın sevimli fənləridir. O, hər dəfə biliyini yoxlamaq üçün Bakıdakı Rus Evinin bütün layihələrində iştirak etməyə çalışır. Qız yaxşı hazırlaşıb və bir çox suala düzgün cavab verdiyinə əmindir."İlk dəfə iki il əvvəl "Coğrafi imla"da iştirak etmişəm. Onda tapşırıqlar çox çətin idi, amma indi mənə asan görünürdü, ya da ola bilsin, illər keçdikcə, təcrübə və bilik qazanmışam. Mənim üçün ən çətini suallar coğrafi kəşflər və yerlərlə bağlı idi", - Angelina etiraf edib. Paytaxtdakı 286 nömrəli məktəbin onuncu sinif şagirdi Ramil İbrahimov bu yaxınlarda “Salam Rusiya” təhsil proqramı çərçivəsində Rusiyanın Xantı-Mansiysk şəhərində olub, burada bir çox tarixi yerləri ziyarət edib. “Bu səfər mənə bir çox suallara cavab tapmağa kömək etdi”, - o, deyib."İlk dəfədir ki, bu imlada iştirak edirəm. Tapşırıqlar çox maraqlı, lakin çətin idi. Tarixi və coğrafiyanı yaxşı bilsəniz, bəzilərinə məntiqli cavab vermək olardı. Mənim üçün ən çətini rus coğrafiyaşünasları ilə bağlı testlər idi. Mən özüm də müxtəlif ölkələrin coğrafiyasını, xüsusən də siyasi və iqtisadi maraqlarını sevirəm”, - İbrahimov bildirib. İmlanın sonunda Rus Evinin rəhbəri İrek Zinnurov bütün iştirakçılara təşəkkürünü bildirib. O qeyd edib ki, iştirakçıların hər biri pulsuz olaraq Rusiya universitetlərində təhsillərini davam etdirə bilərlər."Tezliklə "Əcnəbilər üçün Rusiyada Təhsil" sistemi 2023-2024-cü tədris ili üçün Rusiya Federasiyasının federal büdcəsindən ayrılan kvotalar hesabına Rusiya universitetlərində təhsil almaq istəyən hər kəsin qeydiyyatına başlayacaq. Azərbaycan vətəndaşları üçün 270 nəfərlik kvota müəyyən edilib", - Zinnurov bildirib.Sonra bütün iştirakçılara sertifikatlar təqdim olunub. İmtahan nəticələri cari il noyabrın 30-dan gec olmayaraq məlum olacaq. Nəticələri təşkilatçının internet saytına keçid edərək öyrənə bilərsiniz.

2022

xəbərlər

ru_AZ

rusiya