Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

"Qazprom"un İran ərazisindən qaz tranzitinin perspektivləri var

© AFP 2022 / KIRILL KUDRYAVTSEVQazprom loqosu, arxiv şəkli
Qazprom loqosu, arxiv şəkli - Sputnik Azərbaycan, 1920, 13.10.2022
Xəbərlərə abunə olun
НовостиTelegram
İran Avrasiya İqtisadi İttifaqında (Aİİ) əməkdaşlığın gücləndirilməsi üçün həm dövlət, həm də özəl şirkətlərin iştirakı ilə investisiya fondu və enerji konsorsiumu yaratmağı təklif edir.
BAKI, 13 oktyabr — Sputnik. "Qazprom" öz qazını İran ərazisi vasitəsilə qonşu ölkələrə, o cümlədən Pakistana nəql etmək üçün perspektivli imkana malikdir. Bunu İranın neft nazirinin müavini Əhməd Əsədzadə "Rusiya Enerji Həftəsi"ndə çıxışı zamanı deyib.
"İranın qonşuları böyük qaz istehlakçı bazarıdır. "Qazprom" üçün bu, İran vasitəsilə öz qazını sözügedən ölkənin qonşularının bazarına çıxarmaq üçün əla fürsətdir. Bu ölkələrə nümunə olaraq Pakistanı göstərə bilərik", - deyə Ə.Əsədzadə bildirib.
O, həmçinin qeyd edib ki, Fars körfəzi ölkələrinə qaz tranziti üçün İran ərazisindən istifadə oluna bilər:

"Rusiya Avropaya milyardlarla kubmetr qaz ixrac edir. Ukraynadakı hadisələrlə əlaqədar qaz ixracının həcmi bir neçə dəfə azalıb. Bu kontekstdə İran unikal imkan yaradır - İran ərazisi vasitəsilə Rusiya nefti və qazını Fars körfəzinin cənubundakı alıcılara nəql etmək mümkündür".

Aİİ enerji konsorsiumunun yaradılması
İranın neft nazirinin müavininin sözlərinə görə, İran Aİİ-də əməkdaşlığı gücləndirmək üçün enerji konsorsiumu və investisiya fondu yaratmağı təklif edir.
"Avrasiyada enerji sahəsində əməkdaşlığı gücləndirmək üçün birgə investisiya fondu yaradılmalıdır. Biz həm dövlət, həm də özəl şirkətlərin iştirakı ilə birgə enerji konsorsiumu da yarada bilərik", - deyə Əsədzadə qeyd edib.
Rusiya qazının İrandan tranziti
İranın neft nazirinin müavini Tehranın Moskvaya qarşı sanksiyaları cinayət hesab etdiyini də bildirib.
"Rusiyaya qarşı sanksiyalar bəşəriyyətə qarşı cinayətdir, lakin onlar daha böyük birlik üçün imkan yaradır", - deyə o, "Rusiya Enerji Həftəsi"ndə çıxış edərkən deyib.
Xəbər lenti
0