https://sputnik.az/20220930/lavrov-azerbaycan-ermenistan-munasibetlerinin-normallasdirilmasi-barede--446897237.html

Lavrov Azərbaycan-Ermənistan münasibətlərinin normallaşdırılması barədə

Lavrov Azərbaycan-Ermənistan münasibətlərinin normallaşdırılması barədə

Sputnik Azərbaycan

Rusiya XİN rəhbəri bildirib ki, Bakı ilə İrəvan arasında münasibətlərin normallaşdırılması, o cümlədən müvafiq sazişin imzalanması hazırda müzakirə olunur. 30.09.2022, Sputnik Azərbaycan

2022-09-30T13:00+0400

2022-09-30T13:00+0400

2022-09-30T15:38+0400

lavrov

rusiya

sergey lavrov

rusiya xin rəhbəri sergey lavrov

https://cdnn1.img.sputnik.az/img/07e6/09/18/446659914_0:161:3071:1888_1920x0_80_0_0_ce49fb6a3ca768529d878f95784b37ec.jpg

BAKI, 30 sentyabr — Sputnik. Ermənistan-Azərbaycan sərhədindəki münaqişənin həlli üçün Kollektiv Təhlükəsizlik Müqaviləsi Təşkilatının (KTMT) müşahidəçilərindən istifadə imkanları müzakirə edilir. Bunu cümə günü Rusiyanın xarici işlər naziri Sergey Lavrov MDB-yə üzv dövlətlərin təhlükəsizlik orqanları və kəşfiyyat xidmətləri rəhbərlərinin fəaliyyəti üzrə konfransının 18-ci iclasında deyib. "Azərbaycan, Ermənistan və Rusiya liderləri arasında, xüsusilə Ermənistan-Azərbaycan sərhədinin delimitasiyası və dair sazişlərin həyata keçirilməsi üçün əlverişli şəraitin yaradılmasına kömək etmək üçün Kollektiv Təhlükəsizlik Müqaviləsi Təşkilatının müşahidəçilərindən istifadə etmək imkanı, eyni zamanda Bakı ilə İrəvan arasında münasibətlərin normallaşdırılması, o cümlədən müvafiq sazişin imzalanması müzakirə edilir. ", - deyə nazir bildirib.Lavrovun sözlərinə görə, bununla bağlı MDB-dən də dəstək tələb olunacaq. Rusiya XİN rəhbəri qeyd edib ki, Moskva KTMT çərçivəsində əməkdaşlığın dərinləşdirilməsinə böyük önəm verir: "Biz MDB-nin Daxili İşlər Nazirləri Şurası, Terrorla Mübarizə Mərkəzi, Sərhəd Qoşunları Komandanları Şurası və əlbəttə ki, bu iclas kimi ixtisaslaşmış strukturların işinin səmərəliliyini qeyd edirik. Ümumi xarici təhdidlərə və çağırışlara, o cümlədən Əfqanıstandan gələn təhdidlərə effektiv cavab vermək üçün biz KTMT çərçivəsində əməkdaşlığın dərinləşdirilməsinə böyük əhəmiyyət veririk. Təşkilatın yetkinliyinin və yüksək etibarlılığının bariz sübutu onun sülhməramlı qüvvələrinin bu ilin yanvarında xaricdən dəstəklənən kütləvi iğtişaşlardan sonra Qazaxıstana daxili siyasi vəziyyəti sabitləşdirməyə kömək etmək oldu".Qeyd edək ki, bu gün Rusiyanın paytaxtı Moskvada MDB-yə üzv ölkələrin təhlükəsizlik və kəşfiyyat orqanlarının rəhbərlərinin müşavirəsi keçirilir.Toplantıda Azərbaycan, Belarus, Ermənistan, Qazaxıstan, Qırğız Respublikası, Tacikistan, Özbəkistan və Rusiya nümayəndələri iştirak edirlər.Qeyd edək ki, sentyabrın 13-nə keçən gecə Azərbaycan Müdafiə Nazirliyi Ermənistan silahlı qüvvələrinin təxribat törətməsi barədə məlumat yayıb. Nazirlikdən verilən məlumata görə, Daşkəsən, Kəlbəcər, Laçın və Zəngilan istiqamətlərində irimiqyaslı təxribat törədilib.Ermənistan silahlı qüvvələrinin təxribat qrupları gecə saatlarında dağlıq ərazidən və mövcud dərələrdən istifadə edərək Azərbaycan Ordusunun bölmələrinin mövqeləri və təchizat marşrutları arasında müxtəlif istiqamətlərdə minalar yerləşdirməyə başlayıblar.Azərbaycan Silahlı Qüvvələri düşmənin atəş nöqtələrinin qarşısını alaraq cavab tədbirləri görüb, toqquşmaların genişlənməsinin qarşısının alınması üçün də tədbirlər görülüb.12-14 sentyabr 2022-ci il tarixində Ermənistan silahlı qüvvələrinin genişmiqyaslı təxribatının qarşısını alarkən Azərbaycan Respublikası Silahlı Qüvvələrinin 282 hərbi qulluqçusu yaralanıb və müxtəlif dərəcəli bədən xəsarətləri alıb.Genişmiqyaslı təxribatın qarşısı alınarkən Azərbaycan Silahlı Qüvvələrinin şəhid olan hərbçilərinin sayı 80-ə çatıb.

2022

xəbərlər

ru_AZ

lavrov, sergey lavrov, rusiya xin rəhbəri sergey lavrov