Вид на Flame Towers в Баку, фото из архива - Sputnik Azərbaycan, 1920
PAYTAXT XƏBƏRLƏRİ
Bakının bütün vacib xəbərləri ilə buradan tanış ola bilərsiniz

Yeni nəsil qatarlarında Bakının iqlimi nəzərə alınıb - Bakı Metropoliteni

© Sputnik / Murad OrujovYeni metro qatarları
Yeni metro qatarları - Sputnik Azərbaycan, 1920, 16.09.2022
Xəbərlərə abunə olun
НовостиTelegram
Eksklüziv
Metropoliten rəsmisi deyir ki, köhnə nəsil qatarlarınn istismar müddəti başa çatdıqca onlar mərhələli şəkildə yeniləri ilə əvəz olunacaq.
BAKI, 16 sentyabr — Sputnik. Bakı Metropoliteninin ekspert qrupu Rusiyanın "Metrovaqonmaş" ASC-dən alınan hər biri 10 vaqondan ibarət iki qatarı qəbul edib. Bu barədə "Bakı Metropoliteni" Qapalı Səhmdar Cəmiyyətinin mətbuat katibi Bəxtiyar Məmmədov Sputnik Azərbaycan-a açıqlamasında deyib. O bildirib ki, yeni qatarlar sazlandıqdan və sınaqdan keçirildikdən sonra xəttə buraxılacaq.
Yeni qatarların əsas üstünlük və fərqlərindən danışan metropoliten rəsmisi bildirib ki, 4-cü nəsil qatarlar mirkoiqlim nəzarət sistemi ilə təchiz olunub:

"Bu qatarların kondisioner sistemi Bakı iqlimi nəzərə alınaraq istehsal olunub".

Qatarların əsas fərqli cəhətlərindən biri isə qapılarının daha enli olmasıdır: "Belə olan halda düşüb-minmək daha asan olur".
© Photo : Baku Metro Closed Joint-Stock CompanyLokomotiv parkının yenilikləri
Lokomotiv parkının yenilikləri  - Sputnik Azərbaycan, 1920, 15.09.2022
Lokomotiv parkının yenilikləri
B.Məmmədovun sözlərinə görə, daha iki yeni qatarın oktyabrda Bakıya gətiriləcək. Bununla da Bakı Metropolitenində yeni nəsil qatarların sayı 23-ə çatdırılacaq:

"Yeni qatarların istismar müddəti 30, köhnə qatarların istismar müddəti isə 31 ildir. Köhnə nəsil qatarlarınn istismar müddəti başa çatdıqca onlar mərhələli şəkildə yeniləri ilə əvəz olunacaqlar".

Qeyd edək ki, Bakı Metropiteninin ümumilikdə 305 vaqonu var ki, onlardan 95-i yeni növdür. Bu isə o deməkdir ki, ümumilikdə 61 qatardan 19-u yeni nəsildir.
Xəbər lenti
0