https://sputnik.az/20220915/zaxarova-ermenistanli-jurnaliste-texribatci-sualina-gore-irad-tutub-446088113.html
Zaxarova ermənistanlı jurnalistə təxribatçı sualına görə irad tutub
Zaxarova ermənistanlı jurnalistə təxribatçı sualına görə irad tutub
Sputnik Azərbaycan
Rusiya XİN-nin sözçüsü erməni jurnalisti mövqeli sual verməməyə, gərginliyin azalması üçün mümkün olanı etdiklərini bildirib. 15.09.2022, Sputnik Azərbaycan
2022-09-15T16:34+0400
2022-09-15T16:34+0400
2022-09-15T16:49+0400
mariya zaxarova
rusiya
ermənistan
azərbaycan
sərhəd
https://cdnn1.img.sputnik.az/img/07e5/0a/0e/434194613_0:0:3019:1699_1920x0_80_0_0_0f53c64eb1610ab4cd1e219e55bfd63b.jpg
BAKI, 15 sentyabr — Sputnik. Rusiya Xarici İşlər Nazirliyinin rəsmi nümayəndəsi Mariya Zaxarova keçirdiyi brifinqdə Ermənistan İctimai Televiziyasının müxbirinə təxribatçı sualına görə nöqsan tutub.Belə ki, erməni jurnalist Azərbaycanın Ermənistan ərazisinə sentyabrın 12-dən 13-nə keçən gecə guya hücum etməsi, eləcə də dünən Rusiya Federal Təhlükəsizlik Xidmətinin Ermənistan sərhədində yerləşən postunu və xidməti avtomobilini guya atəşə tutması ilə bağlı sual verməyə cəhd edərkən Zaxarova jurnalistin sualını yarımçıq saxlayıb.Bildirib ki, bu, Rusiya XİN-nin rəsmi nümayəndəsinin brifinqidir, erməni jurnalistin deyil:"Ona görə də xahiş edirik, sualı səsləndirin, mövqeli materialı üzündən oxumayın. Bu birincisi, ikincisi isə, biz Ermənistan tərəfindən yardımla bağlı müraciət almışıq. Bildiyiniz kimi, KTMT-nin onlayn sammiti keçirilib və KTMT missiyasının Ermənistana göndərilməsi qərara alınıb. Rusiya tərəfi gərginliyi azaltmaq məqsədi ilə mümkün olanı edir", o deyib.Onun sözlərinə görə, Rusiya tərəfi Azərbaycan-Ermənistan sərhədində gərginliyin azaldılması üçün əlindən gələni edir.Zaxarova qeyd edib ki, regionda vəziyyətin gərginləşməsi Rusiya Prezidenti Vladimir Putinlə Ermənistanın baş naziri Nikol Paşinyan arasında Rusiya, Azərbaycan və Ermənistanın xarici işlər nazirləri səviyyəsində və müdafiə strukturlarının rəhbləri arasındakı telefon danışığında müzakirə olunub."Biz gözləyirik ki, bu mövzu Rusiya və Azərbaycan prezidentlərinin görüşündə də diqqət mərkəzində olacaq. Bu görüş Şanxay Əməkdaşlıq Təşkilatının (ŞƏT) bu günlərdə Səmərqənddə keçirilən sammiti çərçivəsində planlaşdırılır", - diplomat qeyd edib.Qeyd edək ki, KTMT missiyası vəziyyəti yerindəcə təhlil etmək, Ermənistanla Azərbaycan arasında münaqişənin gərginləşməsinin səbəblərini və onun həlli yollarını araşdırmaq üçün Ermənistana göndərilib.Xatırladaq ki, sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilib.Genişmiqyaslı təxribatın qarşısı alınarkən ümumilikdə Silahlı Qüvvələrin 71 hərbi qulluqçusu şəhid olub.
azərbaycan
Sputnik Azərbaycan
media@sputniknews.com
+74956456601
MIA „Rosiya Segodnya“
2022
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
mariya zaxarova, ermənistan, azərbaycan, sərhəd
mariya zaxarova, ermənistan, azərbaycan, sərhəd
Zaxarova ermənistanlı jurnalistə təxribatçı sualına görə irad tutub
16:34 15.09.2022 (Yenilənib: 16:49 15.09.2022) Rusiya XİN-nin sözçüsü erməni jurnalisti mövqeli sual verməməyə, gərginliyin azalması üçün mümkün olanı etdiklərini bildirib.
BAKI, 15 sentyabr — Sputnik. Rusiya Xarici İşlər Nazirliyinin rəsmi nümayəndəsi Mariya Zaxarova keçirdiyi brifinqdə Ermənistan İctimai Televiziyasının müxbirinə təxribatçı sualına görə nöqsan tutub.
Belə ki, erməni jurnalist Azərbaycanın Ermənistan ərazisinə sentyabrın 12-dən 13-nə keçən gecə guya hücum etməsi, eləcə də dünən Rusiya Federal Təhlükəsizlik Xidmətinin Ermənistan sərhədində yerləşən postunu və xidməti avtomobilini guya atəşə tutması ilə bağlı sual verməyə cəhd edərkən Zaxarova jurnalistin sualını yarımçıq saxlayıb.
Bildirib ki, bu, Rusiya XİN-nin rəsmi nümayəndəsinin brifinqidir, erməni jurnalistin deyil:
"Ona görə də xahiş edirik, sualı səsləndirin, mövqeli materialı üzündən oxumayın. Bu birincisi, ikincisi isə, biz Ermənistan tərəfindən yardımla bağlı müraciət almışıq. Bildiyiniz kimi, KTMT-nin onlayn sammiti keçirilib və KTMT missiyasının Ermənistana göndərilməsi qərara alınıb. Rusiya tərəfi gərginliyi azaltmaq məqsədi ilə mümkün olanı edir", o deyib.
Onun sözlərinə görə, Rusiya tərəfi Azərbaycan-Ermənistan sərhədində gərginliyin azaldılması üçün əlindən gələni edir.
Zaxarova qeyd edib ki, regionda vəziyyətin gərginləşməsi Rusiya Prezidenti Vladimir Putinlə Ermənistanın baş naziri Nikol Paşinyan arasında Rusiya, Azərbaycan və Ermənistanın xarici işlər nazirləri səviyyəsində və müdafiə strukturlarının rəhbləri arasındakı telefon danışığında müzakirə olunub.
"Biz gözləyirik ki, bu mövzu Rusiya və Azərbaycan prezidentlərinin görüşündə də diqqət mərkəzində olacaq. Bu görüş Şanxay Əməkdaşlıq Təşkilatının (ŞƏT) bu günlərdə Səmərqənddə keçirilən sammiti çərçivəsində planlaşdırılır", - diplomat qeyd edib.
Qeyd edək ki, KTMT missiyası vəziyyəti yerindəcə təhlil etmək, Ermənistanla Azərbaycan arasında münaqişənin gərginləşməsinin səbəblərini və onun həlli yollarını araşdırmaq üçün Ermənistana göndərilib.
Xatırladaq ki, sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilib.
Genişmiqyaslı təxribatın qarşısı alınarkən ümumilikdə Silahlı Qüvvələrin 71 hərbi qulluqçusu şəhid olub.
