Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Putin: COVID başlayandan bütün Rusiya epidemioloqlarının işinin vacibliyini hiss edib

© AP Photo / Dmitri LovetskyRusiya Prezidenti Vladimir Putin
Rusiya Prezidenti Vladimir Putin - Sputnik Azərbaycan, 1920, 15.09.2022
Xəbərlərə abunə olun
НовостиTelegram
Sanitar-epidemioloji xidmətin 100 illiyi münasibətilə mütəxəssisləri təbrik edən Putin deyib ki, bu xidmətin əhəmiyyəti çox böyükdür.
BAKI, 15 sentyabr — Sputnik. Bütün Rusiya koronavirus başlayandan bəri epidemioloqların işinin vacibliyini hiss edib. Bu sözləri Rusiya Prezidenti Vladimir Putin Kremldə sanitar-epidemioloji xidmət nümayəndələrinin təntənəli mükafatlandırma mərasimində bildirib.
O qeyd edib ki, “Rospotrebnadzor”un mütəxəssisləri məsuliyyətlə və operativ şəkildə lazımi tədbirləri həyata keçiriblər.
Sanitar-epidemioloji xidmətin 100 illiyi münasibətilə mütəxəssisləri təbrik edən Putin deyib ki, bu xidmətin əhəmiyyəti çox böyükdür və səlahiyyət çərçivəsi müxtəlif sahələri əhatə edir, lakin onların hamısı insanların sağlamlığının qorunması, onların rifahının və təhlükəsizliyinin təmin edilməsi problemlərinin həllinə yönəlir.
"Biz bunu tam başa düşdük və hiss etdik - biz deyəndə bütün ölkəni nəzərdə tuturdum. Hamı bunu koronavirus pandemiyası ilə bağlı hiss edib. Xüsusilə də ən kəskin, çətin dövrdə - başlanğıcda. Təkcə bizim ölkəmiz deyil, bütün dünya bu virus haqqında, onun xüsusiyyətləri haqqında demək olar ki, heç nə bilmirdi. Qəfil, dəhşətli epidemiya bütün bəşəriyyətə meydan oxudu. Rusiyada virusa qarşı ilk mübarizə aparan məhz sizin xidmətinizdir. Lazımi tədbirlər məsuliyyətlə və operativ şəkildə təşkil edilib", - deyə Putin vurğulayıb.
Xəbər lenti
0