Вид на Flame Towers в Баку, фото из архива - Sputnik Azərbaycan, 1920
PAYTAXT XƏBƏRLƏRİ
Bakının bütün vacib xəbərləri ilə buradan tanış ola bilərsiniz

Bakıda Beyin Mərkəzlərinin İnkişaf Forumu keçirilir

Bakı - Sputnik Azərbaycan, 1920, 15.09.2022
Xəbərlərə abunə olun
НовостиTelegram
Forumun bu dəfəki mövzusu "İnklüziv və davamlı iqtisadiyyatlar üçün artım dinamiklərinin yenidən kalibrlənməsi"dir.
BAKI, 15 sentyabr — Sputnik. Bu gün Bakıda Asiya İnkişaf Bankının (ADB) Mərkəzi Asiya Regional İqtisadi Əməkdaşlıq (CAREC) İnstitutu (CI) və İqtisadi Elmi Tədqiqat İnstitutunun (ESRI) təşkilatçılığı ilə CAREC Beyin Mərkəzlərinin 6-cı İnkişaf Forumu işə başlayıb.
2016-cı ildən ənənəvi olaraq tematik mövzular üzrə keçirilən forumun bu dəfəki mövzusu "İnklüziv və davamlı iqtisadiyyatlar üçün artım dinamiklərinin yenidən kalibrlənməsi"dir.
Forumun açılışında çıxış edən iqtisadiyyat nazirinin müavini Səməd Bəşirli Azərbaycanın AİB və CAREC-lə səmərəli əməkdaşlığını, işğaldan azad olunmuş ərazilərimizin bərpasının və yenidənqurulmasının regional əməkdaşlığa böyük töhfə verdiyini diqqətə çatdırıb, "Azərbaycan-2030: sosial-iqtisadi inkişafa dair Milli Prioritetlər"dən və "2022-2026-cı illərdə sosial-iqtisadi inkişaf Strategiyası"ndan irəli gələn vəzifə və hədəflər barədə məlumat verib.
ADB-nin vitse-prezidenti Şixin Çen CAREC-in regional iqtisadi əməkdaşlıqda, üzv dövlətlər arasında əlaqələrin genişləndirilməsində rolunu qeyd edib və bu baxımdan Forumun əhəmiyyətini vurğulayıb.
Sonra CAREC İnstitutu və İqtisadi Elmi Tədqiqat İnstitutu arasında Əməkdaşlığa dair Anlaşma Memorandumu imzalanıb.Sənədi CAREC İnstitutunun direktoru Seyid Şakil Şah və ESRI-nin İdarə Heyətinin sədri Mahir Hümbətov imzalayıblar.
Forumda ADB-nin baş direktoru Albert Park, CAREC İnstitutunun baş iqtisadçısı Hans Holzhaker, Beynəlxalq Valyuta Fondunun Qafqaz, Mərkəzi Asiya və Monqolustan üzrə Regional potensialın inkişafı mərkəzinin direktoru Norbert Funke, ESRI-nin əməkdaşları İlham Hümbətov və Natiq Mədətov, həmçinin beynəlxalq maliyyə qurumları, yerli və xarici beyin mərkəzləri, dövlət və özəl sektorun nümayəndələri və beynəlxalq ekspertlərin məruzələri dinlənilib, panel müzakirələr keçirilib.
Forum işini inkişaf modelləri və strategiyaların nəzərdən keçirilməsi, CAREC Beyin Mərkəzləri Şəbəkəsinin (CTTN) regional araşdırma hesabatı, dayanıqlı inkişaf məqsədləri, iqlim dəyişikliyi və "yaşıl" enerji, geosiyasi qeyri-müəyyənliklər, koronavirus (COVID-19) pandemiyasının artım və inklüzivliyə təsiri, regional rifah üçün alyansların qurulması üzrə sessiyalar və panel iclaslarla davam etdirəcək ("Report").
Qeyd edək ki, forum sabah başa çatacaq.
Xəbər lenti
0