Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Rusiya XİN-dən Kabildəki partlayışla bağlı açıqlama

© AFP 2022 / BYAMBASUREN BYAMBA-OCHIRSergey Lavrov
Sergey Lavrov - Sputnik Azərbaycan, 1920, 05.09.2022
Xəbərlərə abunə olun
НовостиTelegram
Ötən ilin sentyabrın əvvəlində Talibanın* ilk hakimiyyəti dövründə xarici siyasətə cavabdeh olan Məhəmməd Həsən Axundun başçılıq etdiyi Əfqanıstanın müvəqqəti hökumətinin tərkibi elan edilib.
BAKI, 5 sentyabr — Sputnik. Rusiya Xarici İşlər Nazirliyi bu gün Rusiyanın Kabildəki səfirliyi yaxınlığında baş vermiş partlayış nəticəsində Rusiya diplomatik missiyasının iki əməkdaşının həlak olduğunu açıqlayıb.
"Sentyabrın 5-də Kabil vaxtı ilə saat 10.50-də Rusiyanın Kabildəki səfirliyinin konsulluq şöbəsinin girişinin bilavasitə yaxınlığında naməlum silahlı partlayıcı qurğunu işə salıb. Hücum nəticəsində diplomatik korpusun iki əməkdaşı öldürülüb, Əfqanıstan vətəndaşları arasında da qurbanlar var", - deyə bildirilib.
Rusiya Xarici İşlər Nazirliyi qeyd edib ki, Rusiya səfirliyi təhqiqat aparan Əfqanıstanın təhlükəsizlik xidmətləri ilə sıx əlaqə saxlayır.
Diplomatik nümayəndəliyin binası yaxınlığında baş verən terror aktından sonra Rusiyanın Kabildəki səfirliyinin perimetrinin mühafizəsi tədbirləri dərhal gücləndirilib. Bunu Moskvada Tacikistanın xarici işlər naziri Sirociddin Muxriddinlə danışıqlar zamanı Rusiyanın xarici işlər naziri Sergey Lavrov deyib.
"Diplomatik korpusun xarici perimetrinin mühafizəsini gücləndirmək üçün dərhal bir sıra tədbirlər görülüb. Mühafizəyə Taliban* hakimiyyətinin əlavə qüvvələri cəlb edilib. Əfqanıstanın kəşfiyyat və əks-kəşfiyyat xidmətinin imkanları istifadə edilib", - deyə Lavrov bildirib.
O, hücumun təşkilatçılarının tez bir zamanda cəzalandırılacağına ümid etdiyini bildirib.
Xatırladaq ki, sentyabrın 5-də Kabil vaxtı ilə saat 10.50-də Rusiyanın Kabildəki səfirliyinin konsulluq şöbəsinin girişinin bilavasitə yaxınlığında naməlum silahlı partlayıcı qurğunu işə salıb.
Hücum nəticəsində diplomatik korpusun iki əməkdaşı öldürülüb, Əfqanıstan vətəndaşları arasında da qurbanlar var.
Əfqanıstana nəzarət edən Taliban* hərəkatı (Rusiyada qadağan olunmuş terror təşkilatı) bildirib ki, "bu gün günorta saat 11 radələrində Kabil şəhərinin 7-ci rayonunda Rusiya səfirliyi yaxınlığında terrorçu-kamikadze özünü izdiham içərisində partlatmaq istəyib.
Lakin hədəfə çatmadan təhlükəsizlik qüvvələri ona atəş açıb və nəticədə partlayış baş verib". Kabil polisinin mətbuat mərkəzinin rəhbəri Xalid Zadran məlumat verib ki, hadisə nəticəsində 1 mülki şəxs həlak olub, 10 nəfər yaralanıb. Hələlik ölkədə fəaliyyət göstərən heç bir silahlı qruplaşma hücuma görə məsuliyyəti üzərinə götürməyib.
Xəbər lenti
0