Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Dünyada neftə tələbat olduqca, Rusiyada ehtiyatlar tükənməyəcək - Ekspert

© Sputnik / Илья Питалев / Mediabanka keçid"Rosneft"in Moskvadakı baş ofisi
Rosneftin Moskvadakı baş ofisi - Sputnik Azərbaycan, 1920, 04.09.2022
Abunə olmaq
Rəsmi məlumatlara görə, Rusiyada bütün kateqoriyalar üzrə kəşf edilmiş neft ehtiyatlarının həcmi 19 milyard ton təşkil edir.
BAKI, 4 sentyabr - Sputnik. Rusiya ən zəngin yeraltı təbii ehtiyatlardan birinə malikdir. Rusiyada qeyd olunan Neft və Qaz İşçiləri Günündə Mərkəzi Strateji Araşdırmalar Mərkəzinin yanacaq-energetika sektorlarının iqtisadiyyatı şöbəsinin müdir müavini Sergey Kolobanov RİA Novosti-yə Rusiyada neftin nə vaxt tükənəcəyi, eləcə də qazın perspektivləri barədə məlumat verib.
“Biz qəti şəkildə hesab edə bilərik ki, tələbat olacağı illər ərzində Rusiyada kifayət qədər neft olacaq. Ekstremal halda, digər ehtiyatlardan (qaz, kömür) sintetik maye yanacaq istehsalı texnologiyaları hələ də mövcuddur ki, bunlar hazırkı iqtisadi şəraitdə rəqabətə davamlı deyil, lakin daha yaxşı istifadə oluna bilər”, - deyə ekspert bildirib.
O izah edib ki, neft məhsullarının əsas istehlakçısı daxili yanma mühərrikli avtomobillərdir. Və artıq dünyada onların elektromobillərlə əvəzlənməsi tendensiyası var.
© Sputnik / Евгений Биятов / Mediabanka keçidNeft-qaz müəssisəsi, arxiv şəkli
Предприятие ООО РН-Пурнефтегаз в Ямало-Ненецком автономном округе - Sputnik Azərbaycan, 1920, 04.09.2022
Neft-qaz müəssisəsi, arxiv şəkli
Mineral Ehtiyatlar üzrə Dövlət Komissiyasının məlumatına görə, Rusiyada bütün kateqoriyalar üzrə kəşf edilmiş neft ehtiyatları 19 milyard ton, əlavə olaraq qaz kondensatı isə daha 2,2 milyard ton təşkil edir. Lakin neft ehtiyatlarının geniş təsnifatı var. Məsələn, çıxarıla bilən ehtiyatlardan danışırıqsa, onda onların üzərindəki neft və kondensat - 31 milyard tondan çox, proqnoza görə isə 69 milyard tondur.
Agentliyin həmsöhbəti hesab edir ki, neft hasilatının hazırkı səviyyəsini ildə 500 milyon tona yaxın saxlamaqla, ölkəmiz ən azı 20, maksimum isə 40 il kifayət qədər xammala malik ola bilər. Amma bu rəqəmlər dəyişə bilər, çünki kəşfiyyat işləri dayanmır, neft ehtiyatları hər il yenilənir.
“Bundan başqa, hasilatın intensivləşdirilməsinin yeni üsulları hazırlanır ki, bu da proqnozlaşdırılan neftvermə əmsalını yüksəltməyə və yeni yataqların kəşfiyyatı aparılmadan artıq işlənmiş yataqların çıxarıla bilən ehtiyatlarını artırmağa imkan verir", - deyə analitik əlavə edib.
Qaza gəlincə, Kolobanov bildirib ki, o, keçid yanacağı hesab olunduğu üçün onun uzunmüddətli perspektivi daha parlaqdır.
“Qaz baxımından Rusiya daha böyük ehtiyatlar və resurslarla təmin olunub - 74 trilyon kubmetrdən çox çıxarıla bilən ehtiyatlar və təxminən 190 trilyon kubmetr ehtimal olunan ehtiyatlar. Bunun 80-100 illik istehsal üçün kifayət edəcəyi güman edilir. Eyni zamanda, qaz elektrik enerjisi istehsalı üçün əsas yanacaq növlərindən biridir, ona tələbat yalnız elektrik nəqliyyat vasitələrinin inkişafı hesabına artacaqdır", - deyə ekspert fikrini yekunlaşdırıb.
Xəbər lenti
0