Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Rusiya XİN: "Biz Avropanı parçalamaq niyyətində deyilik"

© Sputnik / Виталий БелоусовRusiya Xarici işlər Nazirliyinin binası, arxiv şəkli
Rusiya Xarici işlər Nazirliyinin binası, arxiv şəkli - Sputnik Azərbaycan, 1920, 31.08.2022
Abunə olmaq
Rusiya XİN rəsmisi bildirib ki, Aİ-yə üzv olan ölkələr rəssam Piter Breygelin "Korlar" tablosunda "şübhə etməyən, sual verməyən və etiraz etməyən" obrazlara bənzəyirlər.
BAKI, 31 avqust — Sputnik. Rusiya hakimiyyəti Avropanı məhv etməyə çalışmır. Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova Sputnik radiosuna bildirib.
"Biz Avropanı parçalamaq niyyətində deyilik. Bu, heç vaxt bizim vəzifəmiz olmayıb. Əgər biz nəyisə hədəfləyiriksə, bu, beynəlxalq münasibətlərə sağlam düşüncənin qaytarılmasıdır", - diplomat bildirib.
O qeyd edib ki, Aİ-yə üzv olan ölkələr rəssam Piter Breygelin "Korlar" tablosunda "şübhə etməyən, sual verməyən və etiraz etməyən" obrazlara bənzəyirlər, lakin onlar bir qrup olaraq uçuruma gedir.
Bir müddət əvvəl Praqada ittifaqın müdafiə və xarici işlər nazirlikləri rəhbərlərinin qeyri-rəsmi görüşlərində iştirak edən Aİ diplomatiyasının rəhbəri Cozep Borrel bildirmişdi ki, Aİ-də "bəzi səslər" Rusiyaya qarşı sanksiyalara yenidən baxılmasının tərəfdarıdır.
Ukraynada nə baş verir?
Xatırladaq ki, Rusiya fevralın 24-də Ukraynada xüsusi hərbi əməliyyata başlayıb. RF Prezidenti Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Onun sözlərinə görə, bunun üçün "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.
Xəbər lenti
0